Halimbawa sa Bibliya:

• Isa 6:​1-8—Kan nahiling ni propeta Isaias an bisyon na nagpapahiling kan kabanalan ni Jehova, pagmati niya kan primero bako siyang maninigo huling aram niya na makasalan siya, pero ipinagirumdom sa saiya kan sarong serafin na dawa an makasalan na mga tawo puwedeng magin malinig sa paghiling nin Diyos

• Ro 6:​12-23; 12:​1, 2—Ipinaliwanag ni apostol Pablo kun paano niyato malalabanan an satong mga tendensiya na magkasala asin kun paano kita makakalakaw “sa dalan nin kabanalan”

Halimbawa sa Bibliya:

• De 8:​12-18—Ipinagirumdom kan propetang si Moises sa Israel na igwa sinda kan gabos na marahay na bagay huli sa bulaos na paggamit ni Jehova kan saiyang kapangyarihan

• 1Ha 19:​9-14—Ipinahiling ni Jehova an saiyang kahanga-hangang kapangyarihan para pakusugon an propeta niyang si Elias na pinangluluyahan nin buot

Halimbawa sa Bibliya:

• De 24:​16-22—Arog kan ipinapahiling kan Katugunan ni Moises, an hustisya ni Jehova lubos na kauyon kan saiyang pagkahirak asin pagkamuot

• 2Cr 19:​4-7—Ipinagirumdom ni Hading Jehosafat sa mga ninombrahan niyang hukom na irinerepresentar ninda bako an hustisya kan siisay man na tawo, kundi an hustisya ni Jehova

Halimbawa sa Bibliya:

• 1Ha 4:​29-34—Binendisyunan ni Jehova si Hading Solomon nin kadunungan na nakakalabi sa siisay man na tawong nabubuhay kan panahon niya

•  Lu 11:31; Ju 7:​14-18—Mas urog an kadunungan ni Jesus kisa ki Solomon; pero, mapakumbabang inadmitir ni Jesus na an saiyang kadunungan hali ki Jehova

Halimbawa sa Bibliya:

• Mat 10:​29-31—Ginamit ni Jesus an mga dignos para iilustrar kun gurano ni Jehova kanamumutan asin pinapahalagahan an lambang lingkod Niya

• Mar 1:​9-11—Hali sa langit, nakipag-ulay si Jehova sa saiyang Aki, na hayagan na sinasabi saiya an kaipuhan na madangog kan siisay man na aki hali sa saiyang magurang—pagmidbid, pagkamuot, asin pag-uyon

 Halimbawa sa Bibliya:

• De 30:​11-14—An Katugunan na itinao paagi ki propeta Moises bako man dipisilon para sa mga Israelita na sunudon

• Mat 11:​28-30—Si Jesus, na perpektong repleksiyon kan saiyang Ama, inasigurar an saiyang mga parasunod na siya sarong nakakaginhawang Kagurangnan

Halimbawa sa Bibliya:

• Sal 104:​1, 2, 10-20, 33, 34—Paagi sa pag-obserbar sa mga linalang, nagkaigwa an salmista nin dakul na dahilan para magkanta nin mga pag-umaw ki Jehova

• Sal 148:​1-14—An pisikal na mga linalang asin an gabos na anghel nag-uumaw ki Jehova, asin iyo man dapat kita

Halimbawa sa Bibliya:

• 2Ha 5:​20-27—Hininguwa ni Gehazi na itago an saiyang kasalan, pero ihinayag ni Jehova an katotoohan sa Saiyang propetang si Eliseo

• Gi 5:​1-11—Nabuyagyag asin pinadusahan si Ananias saka si Safira huli sa pagputik ninda sa banal na espiritu