Ano an nagmomotibar sa sato na padagos na sumunod ki Jesus? Si apostol Pablo minasimbag: “Itinutulod kami kan pagkamoot na yaon sa Cristo.” (2 Corinto 5:14) Sa kabtang na ini pag-aadalan niato an pagkamoot ni Jesus​—ki Jehova, sa katawohan, asin sa sato bilang mga indibiduwal. An siring na pag-adal talagang nakakamotibar. An satong puso napapahiro, asin itinutulod kita na humiro, na umoswag sa pagsunod sa halimbawa kan satong Kagurangnan.