Gumamit nin simpleng ilustrasyon. Arog ni Jesus, gumamit nin simpleng mga bagay para ipaliwanag an komplikadong mga bagay, asin nin pasil na mga bagay para ipaliwanag an dipisil na mga bagay. Dai magdagdag nin dai kinakaipuhan na mga detalye na magpapakomplikado sa ilustrasyon. Siguraduhon na an mga detalye kan saimong ilustrasyon aplikado talaga sa itinutukdo mong leksiyon tanganing an mga nagdadangog dai maribong sa mga detalyeng dai man kaipuhan.

Pirming isaisip an mga nagdadangog. Magpili nin mga ilustrasyon na igwang koneksiyon sa mga aktibidad asin pinagkakainteresan kan mga nagdadangog. Mag-ingat na an ilustrasyon mo dai makapasupog o makakulog sa sainda.

Itukdo an panginot na punto. Magpokus sa pagpaliwanag kan panginot na mga punto, bako kan saradit na detalye. Siguraduhon na matatandaan kan mga nagdadangog bako sana an ilustrasyon kundi pati an leksiyon kaiyan.