AN TORRENGBANTAYAN—PAG-AADALAN NA EDISYON Hunyo 2020
Yaon sa isyung ini an mga artikulong pag-aadalan puon Agosto 3-30, 2020.
“Pakangbanalon an Ngaran Mo”
Artikulong pag-aadalan 23: Agosto 3-9, 2020. Anong mahalagang isyu an napapaatubang sa gabos na tawo asin anghel? Taano ta mahalagang marhay an isyung iyan, asin ano an papel ta sa pagresolber kaiyan? An simbag sa mga hapot na iyan asin sa iba pang hapot na kalabot diyan makakatabang sa sato na mapakusog an relasyon ta ki Jehova.
“Tawan Mo Ako nin Dai Nababangang Puso Para Magkaigwa Ako nin Pagkatakot sa Saimong Pangaran”
Artikulong pag-aadalan 24: Agosto 10-16, 2020. Sa artikulong ini, mapokus kita sa porsiyon kan pamibi ni Hading David na nasa Salmo 86:11, 12. Ano an buot sabihon kan pagkatakot sa pangaran ni Jehova? Taano ta dapat na magkaigwa kita nin hararom na paggalang sa dakulang pangaran na iyan? Asin paano nakakaprotektar sa sato an pagkatakot sa Diyos pag natetentaran kitang gumibo nin sala?
Hapot Hali sa mga Parabasa
An mga kuwalidad daw na sinambit sa Galacia 5:22, 23 iyo sana an kaiba sa mga aspekto kan “bunga kan espiritu”?
“Ako Mismo an Mahanap sa Sakuyang mga Karnero”
Artikulong pag-aadalan 25: Agosto 17-23, 2020. Taano ta naparayo sa kongregasyon an nagkapira na maimbod na naglingkod ki Jehova nin dakul na taon? Ano an namamatian ni Jehova sainda? Pag-uulayan sa artikulong ini an simbag sa mga hapot na iyan. Pag-uulayan man digdi kun ano an manunudan niyato sa paagi nin pagtabang ni Jehova sa nagkapirang lingkod niya kan mga panahon kan Bibliya na temporaryong naparayo sa saiya.
“Bumalik Kamo Sako”
Artikulong pag-aadalan 26: Agosto 24-30, 2020. Gusto ni Jehova na magbalik saiya an mga dai na nakikiasosyar sa kongregasyon. Dakul kitang magigibo para dagkahon an mga gustong akuon an imbitasyon ni Jehova: “Bumalik kamo sako.” Sa artikulong ini, pag-uulayan ta kun paano ta sinda matatabangan na magibo iyan.
