MAY duwang hoben na babayi na naglalakaw sa sarong komersiyal na lugar sa siyudad nin Baguio sa Pilipinas. May nahiling sindang sarong witnessing cart pero dai sinda nagrani diyan. Si Helen, an sister na nakatindog sa kataid kan cart, mainamigong nagngirit sa sainda. Nagpadagos na sa dudumanan ninda an mga babayi, pero dai ninda nalingawan an mainamigong ngirit ni Helen.

Kan an duwang babayi papuli na sakay nin bus, nakahiling sinda nin dakulang karatula nin jw.org na nakadispley sa sarong Kingdom Hall. Nagirumduman ninda na kapareho idto kan nahiling ninda sa witnessing cart. Nagbaba sinda sa bus asin hiniling an iskedyul kan mga pagtiripon kan mga kongregasyon na nakalista sa trangkahan kan Kingdom Hall.

Nag-atender an duwang babayi sa saro sa mga pagtiripon na iyan. Aram daw nindo kun siisay an nahiling ninda kan palaog na sinda sa Kingdom Hall? Si Helen! Nabisto tulos ninda na siya su mainamigong nagngirit sainda. Sinabi ni Helen: “Kan magrani sinda sako, medyo ninerbiyos ako. Inisip ko kun may nagibo ako saindang salâ.” Pero ipinaliwanag kan duwang babayi ki Helen kun ano an nangyari.

Nagustuhan kan duwang hoben na babayi an pagtiripon saka an pakikipag-ulay sa mga tugang; komportable sinda. Kan mahiling ninda an mga tugang na naglilinig sa Kingdom Hall pagkatapos kan pagtiripon, naghapot sinda kun puwede sindang tumabang. Nasa ibang nasyon na an saro sa mga babayi, pero an saro, nagpuon nang mag-atender sa mga pagtiripon asin nagpapa-Bible study na—dahil sana sa sarong ngirit!