‘Pabayaan na Magibo kan Pakatagal an Katuyuhan Kaiyan’
“Pabayaan nindong magibo kan pakatagal an katuyuhan kaiyan, tanganing kamo magin lubos asin masangkapan sa gabos na bagay, na dai nagkukulang nin ano man.”—SANT. 1:4, NW.
KANTA: 135, 139
1, 2. (a) Ano an manunudan niyato sa pakatagal ni Gideon asin kan saiyang 300 na tawuhan? (Hilingon an ritrato sa itaas.) (b) Uyon sa Lucas 21:19, taano ta mahalagang marhay an pakatagal?
MASAKIT asin mapagal na marhay an ralaban. Sa panginginot ni Hukom Gideon, magdamlag na linapag kan mga suldados na Israelita an saindang mga kalaban na mga Midianita asin mga kaalyansa kaini sa rayo na mga 32 kilometros! Sinabi kan Bibliya an sunod na nangyari: ‘Nakabalyo na sa Salog nin Jordan si Gideon asin an tulong gatos niyang mga tawuhan na nangluluya na.’ Pero, dai pa sinda lubos na nanggagana sa giyera huling may natatada pang mga 15,000 na kalaban. Pagkatapos nin dakul na taon na pang-aapi sa sainda kan mga Midianita, aram kan mga Israelita na bako ini an panahon para sumuko. Kaya tanganing maubos an mga kalaban, ‘padagos sinda sa paglapag’ asin sa katapos-tapusi nadaog ninda an mga Midianita.—Huk. 7:22; 8:4, 10, 28, BPV. [1]
2 Nakikipaglaban man kita sa sarong masakit asin mapagal na marhay na ralaban. Kaiba sa mga kalaban ta si Satanas, an kinaban niya, asin an sato mismong pagkabakong perpekto. An iba sa sato dakul na taon nang nakikipaglaban, asin sa tabang ni Jehova, dakul na laban na an satong ginana. Pero kun minsan, tibaad napapagal na kita sa pakikilaban asin sa paghalat sa katapusan kan maraot na sistemang ini nin mga bagay. Iyo, dai pa kita lubos na nanggagana. Nagpatanid si Jesus na kitang mga Lucas 21:19.) Ano an pakatagal? Ano an makakatabang sa sato na makatagal? Ano an manunudan niyato sa iba na mga nakatagal? Asin paano niyato ‘papabayaan na magibo kan pakatagal an katuyuhan kaiyan’?—Sant. 1:4.
nabubuhay sa huring mga aldaw mapapaatubang sa grabeng mga pagbalo asin maringis na pagpersegir. Pero sinabi man niya na kun makakatagal kita, manggagana kita. (Basahon anKUN ANO AN PAKATAGAL
3. Ano an pakatagal?
3 Sa Bibliya, an pakatagal dai sana nangangahulugan nin pagigin matinios sa mga pagbalo o mga kasakitan. Kalabot sa pakatagal an satong isip asin puso, o kun ano an nagigin sabuot niyato sa mga kasakitan. An saro na may pakatagal makusog an buot, marigon, asin mapasensiya. Uyon sa sarong reperensiya, an pakatagal iyo “an determinasyon na kayang tiuson an mga bagay-bagay, bako sanang huli ta akô na nin saro an sitwasyon, kundi igwa siya nin makusog na paglaom . . . Iyan an karakteristiko na huli kaiyan nagigibo nin saro na padagos na magtindog na nakahiling nin diretso pasabat sa paros. Iyan an marahay na sabuot kun sain kaya nin saro na gibuhon na kamurawayan an pinakamasakit na pagbalo huli ta dawa nag-aagi nin kulog natatanaw niya an bagay na gustong maabot.”
4. Taano ta masasabi niyato na pagkamuot an nagpapahiro na magtagal?
4 An pagkamuot an nagpapahiro sa mga Kristiyano na magtagal. (Basahon an 1 Corinto 13:4, 7.) Halimbawa, an pagkamuot ki Jehova an nagpapahiro sa sato na tagalan an ano man na itinutugot niyang mangyari kauyon kan saiyang kabutan. (Luc. 22:41, 42) An pagkamuot sa mga tugang an nakakatabang sa sato na tagalan an saindang pagkabakong perpekto. (1 Ped. 4:8) An pagkamuot man sa agom an nagpapahiro sa sato na tagalan an ‘kahurasaan,’ na naeeksperyensiyahan dawa kan maugmang mga mag-agom, asin pakusugon an relasyon niyato sa satong agom.—1 Cor. 7:28.
KUN ANO AN MAKAKATABANG SA SATO NA MAKATAGAL
5. Taano ta si Jehova an pinaka may kakayahan na tumabang sa sato tanganing makatagal?
5 Maghagad nin kusog ki Jehova. Si Jehova an ‘Diyos na nagtatao nin pakatagal asin karangahan.’ (Roma 15:5, BPV) Siya sana an lubos na nakakasabot bako sana sa mga problema na inaatubang niyato, kundi sa kun paano nakakaapektar sa sato an kapalibutan, emosyon, asin dawa an henetikong pagkahaman niyato. Kaya siya an pinaka may kakayahan na magtao kan mga kaipuhan niyato para makatagal. An Bibliya nagsasabi: ‘Itinatao niya an kamawutan kan mga natatakot sa saiya; dinadangog niya an agrangay ninda asin iliniligtas niya [sinda].’ (Sal. 145:19, BPV) Pero, paano sinisimbag nin Diyos an satong mga pamibi para sa kusog tanganing makatagal?
6. Arog kan ipinanuga sa Bibliya, paano si Jehova ‘matao nin luluwasan’ sa satong mga pagbalo?
6 Basahon an 1 Corinto 10:13. Pag hinahagad niyato ki Jehova na tabangan kitang matagalan an mga pagbalo, siya ‘matao nin luluwasan.’ Minamaniobra daw ni Jehova an mga bagay-bagay tanganing mahali an pagbalong iyan? Kun minsan, tibaad iyo. Pero sa parati, nagtatao siya nin maluluwasan ‘tanganing makatagal’ kita. An buot sabihon, tinatawan kita ni Jehova nin kusog tanganing ‘makatios asin makatagal [kita] na may kaugmahan.’ (Col. 1:11) Asin huling aram niyang marhay an satong pisikal, mental, asin emosyonal na limitasyon, nungkang itutugot ni Jehova na magin masakit na marhay an sarong sitwasyon asin umabot sa puntong dai na niyato kayang magdanay na maimbod.
7. Iilustrar kun taano ta kaipuhan niyato an espirituwal na kakanon tanganing makatagal.
7 Pakusugon an pagtubod paagi sa pagkakan nin espirituwal na kakanon. Tanganing makatukad sa Mount Everest, an pinakahalangkaw na bukid sa kinaban, kaipuhan nin sarong mountain climber nin mga 6,000 na kaloriya (calorie) kada aldaw. Sobra-sobra iyan sa normal na kaipuhan nin sarong tawo. Tanganing makatagal sa pagtukad asin maabot an pasuhan, dapat siyang magkakan nin dakul na kakanon na halangkaw an kaloriya sagkod na posible. Juan 6:27, NW.
Kaagid kaiyan, tanganing makatagal man kita sa dalan nin pagigin Kristiyano asin maabot an satong pasuhan, dapat kitang regular na magkakan nin dakul na espirituwal na kakanon sagkod na posible. Kaipuhan niyato an disiplina sa sadiri tanganing magkaigwa kita nin panahon para sa pagbasa, pag-adal, asin pag-atender sa satong Kristiyanong mga pagtiripon. An mga aktibidad na ini nagtatao sa sato nin nakakapakusog sa pagtubod na “kakanon na dai nararaot na nagtatao nin buhay na daing katapusan.”—8, 9. (a) Uyon sa Job 2:4, 5, ano an kalabot pag napapaatubang kita sa mga pagbalo? (b) Kun napapaatubang ka sa mga pagbalo, anong eksena an puwede mong imahinaron?
8 Girumdumon an ibinangon na isyu dapit sa kaimbudan. Nasasakitan an sarong lingkod ni Jehova pag napapaatubang siya sa mga pagbalo. Pero, may mas mahalagang bagay pa na nakataya—an saiyang kaimbudan sa Diyos. Mahihiling sa satong paagi nin pag-atubang sa mga pagbalo kun baga talagang minamansay ta si Jehova bilang an Unibersal na Soberano. An kaiwal nin Diyos na si Satanas, na kontra sa Saiyang soberaniya, tinuya si Jehova sa pagsabing: ‘Kublit para sa kublit. Itatao nin tawo an gabos na pagsadiri niya para sa saiyang buhay. Pero, para mapaiba naman, unata an saimong kamot asin hiruon mo an tulang asin laman [ni Job], asin siyertong susumpaon ka niya nin atubangan.’ (Job 2:4, 5, NW) Uyon ki Satanas, naglilingkod sana ki Jehova an mga tawo huli sa makasadiring mga dahilan. Nagbago na daw si Satanas puon kan sabihon niya an akusasyon na iyan? Dai nanggad! Pakalihis nin dakul na siglo, kan siya palayason sa langit, inapod pa man giraray siyang “paraakusar sa satong mga tugang, na nag-aakusar sa sainda aldaw asin banggi sa atubangan kan satong Diyos!” (Kap. 12:10, NW) Dai linilingawan ni Satanas an isyu dapit sa kaimbudan. Gustong-gusto niya kitang mahiling na sumuko sa mga pagbalo sa sato asin dai na sumuportar sa soberaniya nin Diyos.
9 Kaya kun napapaatubang ka sa mga kasakitan, imahinaron an eksenang ini. Si Satanas asin an saiyang mga demonyo yaon sa sarong kampi na nag-aabang kan mga gigibuhon mo asin sinasabing dai mo iyan makakaya asin masuko ka. Sa ibong na kampi, nahihiling mo si Jehova, an satong Hadi na si Jesu-Cristo, an binuhay liwat na mga linahidan, asin an manampulong ribong anghel. Pinapakusog ninda an saimong buot, asin nauugmang marhay sinda sa saimong pakatagal aroaldaw asin sa pagsuportar mo sa soberaniya ni Jehova. Dangan, nadadangog mo si Jehova na sinasabi sa saimo: “Magin madunong ka, aki ko, asin paugmaha an sakong puso, tanganing masimbag ko siya na nagtutuya sa sako.”—Tal. 27:11, NW.
10. Kun dapit sa pakatagal, paano mo maaarog si Jesus?
10 Magpokus sa magigin mga balos kun kita makatagal. Ipamugtak na mantang nasa dalan ka para sa sarong halawig na pagbiyahe, nagpundo ka sa tahaw nin sarong halabang tunnel. Dawa sain ka maghiling, madiklom. Pero, aram mong pag nagpadagos ka sa pagbiyahe pasiring sa puro kan tunnel, mahihiling mo giraray an liwanag. Sa kaagid na paagi, may mga pagkakataon na namamatian mong garo dai mo na kaya an mga problema. Puwedeng iyan man an namatian dawa ni Jesus. Nagin puntirya siya nin “panglilibak nin mga parakasala,” sinupog siya, asin ginadan pa ngani sa “hariging pasakitan”—siyertong ini an pinakamasakit na parte kan saiyang buhay sa daga! Pero, gabos iyan natagalan ni Jesus “huli sa kagaya-gayahan na ibinugtak sa atubangan niya.” (Heb. 12:2, 3, NW) Nagpokus siya sa magigin mga balos sa saiya pag siya nakatagal, asin an pinakamahalaga, an maikokontribwir niya sa pagpakangbanal kan pangaran nin Diyos asin sa pagbindikar kan soberaniya ni Jehova. Temporaryo sana an mga pagbalo ki Jesus, pero an magigin balos niya sa langit magdadanay sagkod lamang. Tibaad makulugon asin magabaton an mga pagbalo na inaagihan mo sa ngunyan. Pero tandaan, temporaryo sana an mga kasakitan mo sa dalan pasiring sa buhay na daing katapusan.
“IDTONG MGA NAKATAGAL”
11. Taano ta dapat niyatong estudyaran an mga eksperyensiya ‘kaidtong mga nakatagal’?
11 Dai niyato kaipuhan na magtagal nin solo. Tanganing pakusugon an mga Kristiyano na tagalan 1 Ped. 5:9, BPV) An mga eksperyensiya ‘kaidtong mga nakatagal’ nagtutukdo sa sato kun paano magdadanay na marigon, sinisigurado sa sato na kaya niyatong magin mapanggana, asin nagpapagirumdom sa sato na tatawan nin balos an satong pagigin maimbod. (Sant. 5:11, NW) Pag-ulayan niyato an pira sanang halimbawa. [2]
an mga kasakitan na itinatao ni Satanas, si apostol Pedro nagsurat: “Magin pusog kamo sa saindong pagtubod saka labanan nindo siya, huli ta aram nindo na an mga kapwa nindo paratubod sa bilog na kinaban nag-aagi man nin arog kaiyan na mga kasakitan.” (12. Ano an manunudan niyato sa halimbawa kan mga kerubin na ibinugtak sa Eden para magbantay?
12 An mga kerubin. Manunudan niyato sa halimbawa kan espiritung mga linalang na inot na nahiling kan mga tawo kun paano tagalan an sarong masakit na asignasyon. Sinasabi kan Bibliya na an Diyos na Jehova ‘nagbugtak nin mga kerubin sa sirangan kan Eden, asin sarong naglalaad na espada na naglalabad-labad, tanganing bantayan an dalan nin kahoy nin buhay.’ [3] (Gen. 3:24) Siyertong dai linalang an mga kerubin na idto para sa asignasyon na ini! Huling, inot sa gabos, bakong kabtang kan katuyuhan ni Jehova para sa katawuhan an kasalan asin pagrebelde. Pero, mayo kitang mababasa na nagreklamo an mga kerubin—espiritung mga linalang na halangkaw an ranggo—huling inisip ninda na hababang marhay an asignasyon na ini para sa sainda. Dai sinda nalangkag asin nagsuko. Imbes, makinuyog sindang nagdanay sa saindang asignasyon asin nagtagal sagkod na matapos an saindang trabaho—tibaad kan panahon kan Baha o pakalihis nin labing 1,600 na taon!
13. Paano natagalan ni Job an mga pagbalo sa saiya?
13 An patriyarkang si Job. Kun nakulgan ka huli sa nakakapangluya nin buot na mga sinabi nin sarong amigo o kapamilya, nasasakitan ka huli sa grabeng hilang, o nagmumundo ka huli sa pagkagadan nin sarong namumutan, mararanga ka kan halimbawa ni Job. (Job 1:18, 19; 2:7, 9; 19:1-3) Dawa dai aram ni Job kun taano ta bigla na sana siyang nag-aagi nin grabeng mga kasakitan, dai siya suminuko. Taano? Huling ‘matatakton [siya] sa Diyos.’ (Job 1:1) Determinado si Job na paugmahon si Jehova—marahay man o masakit an kamugtakan. Saro pa, sa tabang nin Diyos, hinurop-hurop ni Job an makangangalas na mga linalang ni Jehova paagi kan Saiyang banal na espiritu. Huli kaini, mas lalong nagtiwala si Job na hahalion ni Jehova an mga pagbalo sa saiya sa tamang panahon. (Job 42:1, 2) Asin iyan man nanggad an nangyari. ‘Hinali ni Jehova an kasakitan ni Job asin dinagdagan niya siya nin makaduwa kan gabos na rugaring niya kaidto.’ Nabuhay si Job nin halawig asin kontento.—Job 42:10, 17.
14. Uyon sa 2 Corinto 1:6, paano nakatabang sa iba an halimbawa ni Pablo nin pakatagal?
14 An apostol na si Pablo. Napapaatubang ka daw sa grabeng pagkontra, o pagpersegir pa ngani, hali sa mga kaiwal kan tunay na pagsamba? Ika daw sarong elder sa kongregasyon o paraataman nin sirkito na nagagabatan kan kadakul mong responsabilidad? Kun iyo, makakatabang sa saimo an paghurop-hurop sa halimbawa ni Pablo. Napaatubang 2 Cor. 11:23-29) Pero dai siya suminuko, asin nakapakusog sa iba an saiyang halimbawa. (Basahon an 2 Corinto 1:6.) Tandaan, an saimong halimbawa nin pakatagal puwedeng makapakusog man sa iba na magtagal.
siya sa dakul na ‘bagay na nasa luwas’ arog kan grabeng pagpersegir. Apuwera kaiyan, aroaldaw man siyang nahahadit para sa mga tugang sa mga kongregasyon. (MAGIGIBO DAW KAN PAKATAGAL “AN KATUYUHAN KAIYAN” SA SAIMO?
15, 16. (a) Anong “katuyuhan” an dapat na magibo kan pakatagal? (b) Magtao nin mga halimbawa kun paano ta ‘papabayaan na magibo kan pakatagal an katuyuhan kaiyan.’
15 Pinasabngan si apostol Santiago na magsurat: “Pabayaan nindong magibo kan pakatagal an katuyuhan kaiyan.” Anong “katuyuhan” an dapat na magibo kan pakatagal? Iyo na “tanganing [kita] magin lubos asin masangkapan sa gabos na bagay, na dai nagkukulang nin ano man.” (Sant. 1:4, NW) Sa parati, ipinapahiling sa sato kan mga pagbalo an mga kaluyahan ta o an mga aspekto kan satong personalidad na kaipuhan pauswagon. Pag tinatagalan ta an mga pagbalo, mas nasasangkapan o nagigin mas lubos an satong personalidad bilang Kristiyano. Halimbawa, magigin mas mapasensiya kita, mapag-apresyar, asin mapagmalasakit.
Kun tinatagalan ta an mga pagbalo, nagigin mas lubos an satong personalidad bilang Kristiyano (Hilingon an parapo 15, 16)
16 Huling nagigibo kan pakatagal an katuyuhan kaiyan na moldehon kita na magin mas marahay na Kristiyano, habo niyatong balgahon an mga prinsipyo sa Bibliya tangani sanang matapos na an mga pagbalo na inaagihan ta. Halimbawa, paano kun nakikipaglaban ka sa imoral na mga kaisipan? Imbes na magpadara sa sugot, hagadon an tabang ni Jehova tanganing maisikwal an maating mga kaisipan. Sa siring na paagi, mapapakusog mo an saimong pagpupugol sa sadiri. Kinokontra ka daw nin sarong bakong kapagtubod na kapamilya? Imbes na magpadaog sa panggigipit, magin determinadong padagos na maglingkod ki Jehova nin bilog na puso. Bilang resulta, mapapakusog mo an saimong pagtitiwala sa saiya. Tandaan: Tanganing makamtan an pag-uyon nin Diyos, dapat kitang magtagal.—Roma 5:3-5; Sant. 1:12.
17, 18. (a) Iilustrar an kahalagahan kan pakatagal sagkod sa katapusan. (b) Mantang nagrarani kita sa katapusan, sa ano kita makakapagtiwala?
17 Dapat kitang magtagal bako sa saro sanang peryodo nin panahon, kundi sagkod sa katapusan. Bilang ilustrasyon: Imahinaron an sarong palubog na barko. Tanganing makaligtas, dapat na maglangoy pasiring sa may baybayon an mga sakay kaiyan. Malalamos an siisay man na masuko sa pagpuon pa sana kan saiyang paglangoy. Arog man kaiyan an mangyayari sa saro na masuko sa paglangoy mga pirang metro na sana bago makaabot sa may baybayon. Kaagid kaiyan, dapat kitang magin determinadong magtagal sagkod na makaabot kita sa bagong kinaban. Nakadepende diyan an satong buhay. Dapat na magkaigwa kita nin kaisipan na arog kan ki apostol Pablo, na duwang beses na nagsabi: “Dai kami minasuko.”—2 Cor. 4:1, 16, NW.
18 Arog ni Pablo, makakapagtiwala nanggad kita na tatabangan kita ni Jehova na makatagal sagkod sa katapusan. Si Pablo nagsurat: “Lubos man giraray kitang nanggagana paagi sa saiya na namumuot sa satuya. Huli ta kumbinsido ako na maski pa an kagadanan o an buhay o an mga anghel o an mga gobyerno o an mga bagay na yaon ngunyan o an mga bagay na maabot o an mga kapangyarihan o an langkaw o an rarom o an ano pa man na ibang linalang dai makakayang isuway kita sa pagkamuot nin Diyos na yaon ki Cristo Jesus na satuyang Kagurangnan.” (Roma 8:37-39, NW) Totoo, napapagal kita kun minsan. Pero lugod na makatagal kita sagkod sa katapusan, tanganing masabi man sa sato an sinabi kaidto ki Gideon asin sa saiyang mga tawuhan: ‘Padagos sinda sa paglapag.’—Huk. 8:4, BPV.
^ [1] (parapo 1) An Marahay na Bareta Biblia (Bikol Popular Version).
^ [2] (parapo 11) Mapapakusog ka man kan mga eksperyensiya kan mga lingkod nin Diyos ngunyan na nagpahiling nin pakatagal. Halimbawa, sa 1992, 1999, asin 2008 Yearbook, mababasa niyato an nakakapakusog sa pagtubod na mga report dapit sa satong mga tugang sa Ethiopia, Malawi, asin Russia.
^ [3] (parapo 12) Dai sinambit kan Bibliya kun pirang kerubin an iinasignar sa trabahong ini.