Simbag sa mga Hapot sa Bibliya
Puwede ta daw na maaraman an katotoohan manungod sa Diyos?
Taano ta gusto nin Diyos na maaraman ta an katotoohan? Basahon an Juan 17:3
Nakikomunikar an Diyos sa katawuhan. Ginamit niya an saiyang banal na espiritu, o aktibong puwersa, para ipasabong an saiyang kaisipan sa isip kan mga kagsurat kan Bibliya. (2 Pedro 1:20, 21) Maaaraman ta an katotoohan manungod sa Diyos kun babasahon niyato an Bibliya.—Basahon an Juan 17:17; 2 Timoteo 3:16.
Sa Bibliya, dakul na bagay an ihinayag nin Diyos manungod sa saiyang sadiri. Ipinaaram niya kun taano ta linalang niya an tawo, kun ano an gigibuhon niya para sa katawuhan, asin kun paano kita dapat mamuhay. (Guibo 17:24-27) Gusto ni Jehova Diyos na maaraman ta an katotoohan manungod sa saiya.—Basahon an 1 Timoteo 2:3, 4.
Taano ta dinadagka nin Diyos na rumani sa saiya an mga namumuot sa katotoohan?
Si Jehova an Diyos nin katotoohan, asin isinugo niya an saiyang Aking si Jesus para itukdo sa katawuhan an katotoohan. Kaya, an mga namumuot sa katotoohan nadadagkang rumani ki Jesus. (Juan 18:37) Gusto nin Diyos na magin parasamba niya an arog kaiyan na mga tawo.—Basahon an Juan 4:23, 24.
Inulang ni Satanas na Diyablo an dakul na tawo na mamidbid an Diyos paagi sa pagpalakop nin bakong totoong mga katukduan manungod sa Diyos. (2 Corinto 4:3, 4) Naaakit sa siring na mga katukduan an mga tawong dai namumuot sa karahayan. (Roma 1:25) Pero minilyon na sinserong mga tawo an nakakanumpong kan katotoohan manungod sa Diyos paagi sa pag-adal kan Bibliya.—Basahon an Guibo 17:11.
Puwede Mo Man Magustuhan
MANUNGOD SAMO
Ta’no ta Kaipuhan Mag-adal nin Bibliya?
Sinisimbag kan Bibliya an importanteng mga hapot sa buhay kan minilyon na tawo sa bilog na kinaban. Gusto mo daw magin saro sa sainda?
AN BIBLIA—ANO AN MENSAHE KAIYAN?
Taano ta Dapat na Siyasaton an Biblia?
Estudyaran an nagkapirang kapakipakinabang na katotoohan manongod sa Biblia, an pinakapopular na libro sa kinaban.
