Gabos kita apektado kan kagadanan. Pero an kagadanan daw an katapusan kan gabos? An mga gadan daw talagang nalingawan na? Igwa daw nin ano man na paglaom para sa mga gadan?

AN MGA GADAN DAI NALILINGAWAN

“An gabos na yaon sa mga lulubngan na girumduman . . . maruluwas.”—Juan 5:28, 29.

Nagigirumduman nin Diyos an mga gadan; an mga yaon sa saiyang memorya bubuhayon liwat.

MAGKAKAIGWA NIN PAGKABUHAY LIWAT SA DAGA

“Bubuhayon liwat . . . an mga matanos pati an mga bakong matanos.”—Gibo 24:15.

Binilyon an bubuhayon liwat na may paglaom na mabuhay nin daing katapusan sa sarong matuninong na kamugtakan.

MAKAKAPAGTIWALA KITA SA PAGKABUHAY LIWAT

‘Aram nin Diyos an bilang kan mga bituon, lambang saro inaapod niya sa sadiring ngaran.’—Salmo 147:4, An Marahay na Bareta Biblia.

Huling kaya nin Diyos na apudon an pangaran kan gabos na bituon, madali sana para saiya na magirumduman an mga tawong bubuhayon niya liwat.