Makakamtan Mo an Daing Sagkod na mga Biyaya Hali sa Sarong Mamumuton na Diyos
Gustong-gusto mo daw na mabuhay sa kinaban na mayo nang giyera, kadahasan, saka iriwal?
Gusto mo daw na mawara na an hilang, pagsakit, asin kagadanan?
Gusto mo daw na mabuhay na mayo nang problemang iniisip o ikinakahadit?
Gusto mo daw na mabuhay sa sarong lugar na mayo nang kalamidad?
An satong mamumuton na Diyos, an Kaglalang kan magayunon tang planeta, nanunuga na bibiyayaan niya an katawuhan nin matuninong asin maugmang buhay sagkod pa man. Bako iyan pangarap sana.
Sa masunod na mga artikulo, pag-isipan an minasunod:
Gurano kita kanamumutan kan satong Kaglalang?
Ano an mensahe sa sato kan nasusurat na Tataramon nin Diyos?
Ano an sinabi kan mga propeta nin Diyos manungod sa ipinanuga niyang mga biyaya?
Ano an puwede tang gibuhon para magin maugma ngunyan asin mag-ako nin daing sagkod na mga biyaya nin Diyos sa maabot na panahon?
Aramon ta nguna kun paano ipinapahiling kan satong Kaglalang an pagkamuot asin pagmakulog niya sa sato.
