Sarong aldaw may sarong sister sa New Zealand na naghiling nin video sa jw.org na nagpapaliwanag na si Jehova dai lang basta nakakamati nin pagmalasakit kundi ipinapahiling niya man iyan paagi sa gibo. (Isa. 63:​7-9) Determinado siya na arugon iyan paagi sa pagtao nin praktikal na tabang sa iba. Dangan kan aldaw na iyan mantang namamakal, may nahiling siyang sarong pobreng babayi na mayong istaran tapos inalok niya ini na bakalan nin makakakan. Nag-uyon an babayi. Pagbalik kan sister na may darang kakanon, itinao niya iyan sa babayi dangan nagpatotoo nin halipot gamit an tract na Matatapos Pa Daw an mga Pagsakit?

Napahibi an babayi. Sinabi kaini na nagdakula siya sa pamilyang Saksi pero binayaan niya an katotoohan dakul na taon na an nag-agi. Pero dai pa sana nahahaloy, nagparapamibi siya ki Jehova na tabangan siyang bumalik. Tinawan kan sister an babayi nin Bibliya dangan inareglo an pag-study. a

Maaarog ta man an pagmalasakit ni Jehova sa mga tawo, pati na sa satong mga kapamilya asin mga tugang sa kongregasyon. Asin makakapahiling kita nin pagmalasakit paagi sa paghanap nin oportunidad na makapagpatotoo sa iba.