Basahon an Hukom 11:​30-40 para makanuod sa salaysay mapadapit ki Jefte saka sa saiyang aking babayi manungod sa pag-utob nin mga promesa.

Analisaron an konteksto. Ano an pagmansay kan maimbod na mga Israelita manungod sa mga promesa ki Jehova? (Bil. 30:2) Paano ipinahiling ni Jefte saka kan saiyang aking babayi na may pagtubod sinda ki Jehova?​—Huk. 11:​9-11, 19-24, 36.

Magsiyasat pa. Ano an minalataw na nasa isip ni Jefte kan gibuhon niya an saiyang promesa? (w16.04 7 ¶12) Anong mga pagsasakripisyo an ginibo ni Jefte saka kan saiyang aking babayi tanganing mautob ninda an saindang promesa? (w16.04 7-8 ¶14-16) Anong mga promesa an tibaad gibuhon kan mga Kristiyano ngunyan?​—w17.04 5-8 ¶10-19.

Aramon an mga leksiyon. Haputon an sadiri:

• ‘Ano an makakatabang sako na mautob ko an sakuyang panuga nin pagdusay?’ (w20.03 13 ¶20)

• ‘Anong mga pagsasakripisyo an puwede kong gibuhon tanganing mas lubos pa akong makapaglingkod ki Jehova?’

• ‘Paano ako urog na magigin determinado na utubon an iprinomesa ko sa samong sumpaan sa kasal?’ (Mat. 19:​5, 6; Efe. 5:​28-33)