Gabos kita limitado an panahon para sa personal na pag-adal. Paano ta magagamit an limitadong panahon na iyan sa pinakamarahay na paagi? Inot, dai maghidali. Mas makikinabang ka kun pag-aadalan mong marhay an dikit sanang materyal kisa sa hiridalian mong babasahon an kadakul na materyal.

Dangan, magbugtak nin mga priyoridad. (Efe. 5:15, 16) Konsideraron an mga suhestiyon na ini:

• Basahon an Bibliya aroaldaw. (Sal. 1:2) Magayon na punan iyan paagi sa pagsunod sa nakaiskedyul na semanal na babasahon sa Bibliya para sa pagtiripon sa tahaw kan semana.

• Mag-andam para sa Pag-adal sa Torrengbantayan asin sa pagtiripon sa tahaw kan semana. Magin andam na magkomento.—Sal. 22:22.

• Sagkod na may panahon ka, magin updated sa iba pang espirituwal na kakanon, arog kan satong pampublikong mga magasin, mga video, asin mga materyal na ipinublikar sa jw.org.

• Magkaigwa nin proyekto sa pag-adal. Puwede mong i-research an manungod sa problema na inaagihan mo, an manungod sa partikular na hapot mo, o an sarong tema sa Bibliya na gusto mong urog na masabutan. Para magkaideya ka, hilingon an seksiyon na “Activity Para sa Pag-adal nin Bibliya” sa jw.org.