Gusto mo daw na urog pang makinabang sa personal na pag-adal mo? Puwede mong purbaran an mga tips na ini para mas makapagpokus ka:

• Pumili nin marahay na lokasyon. Kun posible, maghanap nin lugar na areglado asin may igong liwanag. Puwede kang magtukaw sa may desk o lamesa, o pumili nin sarong komportableng lokasyon sa luwas.

• Maghanap nin lokasyon na diyan makakapagsolo ka. Pinili ni Jesus na mamibi “kan amay na aga” sa “sarong puwerang lugar.” (Mar. 1:35) Kun bakong posible na makahanap nin lokasyon na ika lang an yaon, puwede mong ipaaram an iskedyul mo sa pag-adal sa saimong mga kapamilya o sa mga kaibanan mo sa iniistaran mo asin pakiulayan sindang dai ka pag-isturbuhon sa panahon na iyan.

• Magdanay na nakapokus. Likayan an mga pandisturbo. Kun naggagamit ka nin cellphone o tablet pag nag-aadal, i-set iyan sa silent o airplane mode para malikayan na madisturbo ka. Asin kun may naisip kang kaipuhan mong gibuhon, gumibo nin halipot na nota tanganing dai mo iyan malingawan na asikasuhon pagkatapos mong mag-adal. Kun nasasakitan kang magkonsentrar, magpundo nguna para maglakaw-lakaw o mag-unat-unat.