An mga magurang may dakulang responsabilidad para tukduan an saindang mga aki manungod ki Jehova. (Efe. 6:4) Tanganing matabangan an mga magurang, an organisasyon ni Jehova nagpublikar nin dakul na artikulo, video, asin kanta. Paano mo magagamit an mga iyan tanganing sanayon an saimong mga aki?

• Maghanap nin mga artikulo, video, asin kanta. Yaon sa JW.ORG an gabos na publikasyon na para sa mga hoben, kaiba na diyan an mga video asin mga activity na nakasurat. a Para mahanap an mga iyan, i-type an “Mga Aki” o “Mga Tin-edyer” sa search bar.

• Pumili nin angay na mga publikasyon. An mga ipinublikar sa seksiyon na “Mga Aki” makakatabang sa saimo na pumili nin mga activity na angay sa saimong aki. Para mahanap an mga iyan, i-search an “Mga Activity Para sa Pampamilyang Pagsamba.”

• Magtao nin panahon sa saimong mga aki. Dai basta pagpabayaan an saimong aki na maghiling kan satong mga video o maggibo nin imprentadong mga activity para sana may gibuhon ini. Imbes, pag-ulayan nindo iyan kan saimong aki asin tabangan siyang magin amigo si Jehova.