Dai Pagtogotan na Raoton nin mga Pagduwaduwa an Saindong Pagtubod
Dai Pagtogotan na Raoton nin mga Pagduwaduwa an Saindong Pagtubod
Sarong aldaw naghohona kamo na marahay an saindong salud. Kan sumunod na aldaw maraot an pagmate nindo. Bigla na sana, mayo na kamo nin kosog o bagsik. An saindong payo nagkokolog asin an saindong hawak nagsasakit sa kolog. Anong nangyari? Linaog asin pinaluya nin peligrosong mga nagdadara nin helang an sistema na nagdedepensa kan saindong hawak asin inatake na an mga organo na kaipuhan para mabuhay. Kun dai bobolongon, tibaad permanenteng raoton kan nananakyadang mga organismo na ini an saindong salud—gadanon pa ngani kamo.
SIEMPRE, kun bakong marahay an saindong salud pagnaimpeksion kamo, mas madali pa ngani kamong tamaan. Kun halimbawa, an saindong hawak pinaluya nin malnutrisyon, an saindong resistensia “nagigin maluyang marhay na dawa an pinakamaluyang impeksion tibaad makagadan,” an sabi kan parasurat manongod sa medisina na si Peter Wingate.
Kun arog kaiyan, siisay an magugustong mabuhay na kulang sa kakanon? Posibleng marhay, ginigibo nindo an gabos tanganing kumakan nin tama asin magdanay na marahay an salud. Ginigibo man gayod nindo an gabos tanganing likayan na isapeligro an saindong sadiri sa impeksion na hale sa virus o bakterya. Minsan siring, arog man daw kaiyan an pag-iingat nindo kun mapadapit sa pagpapadanay na “makosog sa pagtubod”? (Tito 2:2) Alisto daw kamo, halimbawa, sa peligro na dinadara kan dai naririsang mga pagduwaduwa? Madalion ining makalaog sa saindong isip asin puso, na rinaraot an saindong pagtubod asin an saindong relasyon ki Jehova. An nagkapira garo baga dai naririsa an peligrong ini. Pinapabayaan ninda an saindang sadiri na madaling mabiktima nin pagduwaduwa paagi sa pagpagutom ninda sa espirituwal. Posible daw na tibaad ginigibo nindo iyan?
Pagduwaduwa—Pirme daw na Maraot Iyan?
Siempre, bakong gabos na pagduwaduwa maraot. Kun beses, kaipuhan na dai nguna nindo akoon an sarong bagay sagkod na dai pa kamo segurado sa mga impormasyon. An relihiosong mga pagdagka na nagpapasentido na maninigo sana kamong tumubod asin dai maninigong magduwaduwa peligroso asin mapandaya. Totoo, an Biblia nagsasabi na an pagkamoot “nagtutubod kan gabos na bagay.” (1 Corinto 13:7) An sarong mamomoton na Kristiano tunay nanggad na andam na tumubod sa mga probado nang mapagtitiwalaan kan nakaagi. Alagad nagpapatanid man an Tataramon nin Dios tumang sa ‘pagtubod sa gabos na tataramon.’ (Talinhaga 14:15) Kun beses an nakaaging rekord nin sarong tawo nagtatao nin balidong rason para sa pagduwaduwa. “Minsan ginigibo [kan mapandayang nagtataram na] grasioso an saiyang tingog,” an Biblia nagpapatanid, “dai ka magtubod sa saiya.”—Talinhaga 26:24, 25.
Pinatatanidan man ni apostol Juan an mga Kristiano tumang sa basta na sanang paniniwala. “Dai kamo tumubod sa gabos na ipinasabong na tataramon,” an isinurat nia. Imbes, “baloon an ipinasabong na mga tataramon 1 Juan 4:1) An sarong “tataramon,” katokdoan o opinyon, tibaad maglataw na garo hale sa Dios. Alagad talaga daw na iyan hale sa saiya? An pagduwaduwa, o dai nguna paniniwala, puedeng magin tunay na proteksion huli ta, arog kan sinasabi ni apostol Juan, “dakol na madaya an nagralaog sa kinaban.”—2 Juan 7.
kun baga iyan gikan sa Dios.” (Daing Basehan na mga Pagduwaduwa
Iyo, an onesto, mapakumbabang pagsiyasat kan mga impormasyon tanganing mapatunayan an katotoohan parateng kaipuhan. Minsan siring, bako ining kapareho kan pagtogot sa daing basehan, nakararaot na mga pagduwaduwa na tumubo sa satong isip asin puso—pagduwaduwa na puedeng raoton an satong marigon an pagkaestablisar na mga paniniwala asin relasyon. An pagduwaduwang ini tinatawan nin kahulogan bilang “daing kasegurohan na paniniwala o opinyon na parateng nakaaapektar sa pagdedesisyon.” Nagigirumdoman daw nindo kun paano inatian ni Satanas an isip ni Eva nin mga pagduwaduwa manongod ki Jehova? “Ano totoo na an Dios nagsabi na dai kamo magkakan sa gabos na kahoy kan tatamnan?” an hapot nia. (Genesis 3:1) An kadaihan nin kasegurohan na ibinunga kan garo inosenteng hapot na iyan nakaapektar sa saiyang pagdedesisyon. Kapareho iyan kan mga paagi ni Satanas. Arog kan parasurat nin mapagbalobaging mga surat, sia eksperto sa paggamit nin patutsada, mga tataramon na bakong gabos totoo, asin mga putik. Rinaot ni Satanas an dai mabilang na marahay, may pagtitiwalang relasyon paagi sa dai naririsang mga pagduwaduwa na itinanom sa paaging iyan.—Galacia 5:7-9.
Malinaw na nasabotan ni disipulo Santiago an nakadadanyar na epekto kan arog kaining klase nin pagduwaduwa. Nagsurat sia manongod sa makangangalas na pribilehio niato nin sueltong pagdolok sa Dios para sa tabang sa panahon nin pagbalo. Alagad, nagpapatanid si Santiago, kun kamo namimibi sa Dios, “padagos na maghagad sa pagtubod, na dai nin ano man na pagduwaduwa.” An pagduwaduwa sa satong relasyon sa Dios ginigibo kita na “siring sa alon nin dagat na ipinapadpad nin doros asin iinaapwak minsan saen.” Kita nagigin arog nin “tawong dai makadesisyon, bakong marigon sa gabos niang dalan.” (Santiago 1:6, 8) Nagtatalubo sa sato an daing kasegurohan na paniniwala na nagpapangyari sa sato na nadedepisilan magdesisyon. Dangan, siring sa nangyari ki Eva, madali kitang mabiktima kan gabos na klase nin katokdoan asin pilosopiya na sa demonyo.
Pagpapadanay nin Marahay na Salud sa Espirituwal
Kun siring, paano niato puedeng maprotehiran an satong sadiri sa nakadadanyar na pagduwaduwa? An simbag pambihira kasimple: paagi sa marigon na paghabo sa satanikong propaganda asin lubos na pag-aprobetsar niato sa mga probisyon nin Dios tanganing gibohon kitang “marigon sa pagtubod.”—1 Pedro 5:8-10.
Talagang kaipuhan an masustansiang personal na pagkakan sa espirituwal. An autor na si Wingate, na nasambitan kasubago, nagpapaliwanag: “Dawa kun nagpapahingalo an hawak kaipuhan kaiyan an dagos-dagos na suplay nin enerhiya para sa kemikal na mga proseso asin para sa trabaho kan mga organo kaiyan na kaipuhan para mabuhay; asin an materyales kan dakol na tisyu nangangaipo nin dayaday na pagsalida.” Kapareho man kaiyan an satong espirituwal na salud. Kun mayo nin dayaday na espirituwal na pagkakan, an satong pagtubod, arog kan hawak na dai pinapakakan, gradwal na mararaot asin sa kahurihurihi magagadan. Idinoon ini ni Jesu-Cristo kan sia nagsabi: “An tawo dapat na mabuhay, bakong sa tinapay sana, kundi sa lambang tataramon na minaluwas sa ngoso ni Jehova.”—Mateo 4:4.
Isip-isipa iyan. Paano niato pinatalubo an makosog na pagtubod kan enot? “An pagtubod minasunod sa bagay na nadangog,” an isinurat ni apostol Pablo. (Roma 10:17) Boot niang sabihon na kan enot pinatalubo niato an satong pagtubod asin pagsarig ki Jehova, sa saiyang mga panuga, asin sa saiyang organisasyon paagi sa pagkakan sa Tataramon nin Dios. Siempre, dai kita basta na sanang nagtubod sa gabos na nadangog niato. Ginibo niato an ginibo kan mga nag-iistar sa siudad nin Berea. ‘Maingat niatong siniyasat an Kasuratan aroaldaw kun baga an mga bagay na ini iyo man nanggad.’ (Gibo 17:11) ‘Pinatunayan niato sa satong sadiri kun ano an marahay asin inaako patin sangkap na kabotan nin Dios’ asin sinierto na an satong nadangog totoo. (Roma 12:2; 1 Tesalonica 5:21) Poon kaidto, posibleng marhay na pinasarig niato an satong pagtubod mantang naheheling niato nin lalong malinaw na an Tataramon asin mga panuga nin Dios nungkang nasusudya.—Josue 23:14; Isaias 55:10, 11.
Likayan an Espirituwal na Pagkagutom
An angat ngonyan iyo an pagpadanay kan satong pagtubod asin paglikay sa ano man na daing 1 Timoteo 4:1) An nakalalagalag na mga tataramon asin katokdoan na ini nagbubunga nin mga pagduwaduwa sa isip kan nagkapira asin isinisiblag sinda sa Dios. Ano an satong proteksion? An padagos na ‘pagkakan sa mga tataramon kan pagtubod asin kan marahay na katokdoan na maingat niatong sinunod.’—1 Timoteo 4:6.
kasegurohan na paniniwala na puedeng paluyahon an satong kompiansa ki Jehova asin sa saiyang organisasyon. Tanganing magibo ini kaipuhan na padagos niatong siyasaton an Kasuratan aroaldaw. Nagpapatanid si apostol Pablo na “sa huring mga panahon an nagkapira [na tibaad kan enot garo baga may makosog na pagtubod] masuhay sa pagtubod, na nagtatao nin atension sa nakalalagalag na ipinasabong na mga tataramon asin katokdoan nin mga demonyo.” (Pero makamomondo, pinipili kan nagkapira ngonyan na dai ‘magkakan sa mga tataramon kan pagtubod’—dawa libreng makukua an siring na kakanon. Siring sa ipinaririsa kan saro sa mga parasurat kan libro nin Talinhaga, posibleng mapalibotan nin masustansiang espirituwal na kakanon, sarong espirituwal na bangkete, sabi ngani, asin dai pa man giraray magkakan asin tunawon an kakanon.—Talinhaga 19:24; 26:15.
Peligroso ini. An autor na si Wingate nagsasabi: “Oras na magpoon nang gamiton kan hawak an sadiri kaining protina an salud kaini mapoon nang maaapektaran.” Kun kamo nagugutom, an saindong hawak nagpopoon na gamiton an reserbang sustansia na nakasaray sa bilog na hawak. Kun maubos na an ginigikanan na ini, an hawak mapoon nang gamiton an protina na kaipuhan para sa padagos na pagtalubo asin paghirahay kan tisyu. An mga organo na kaipuhan para mabuhay mapoon nang magluya. An saindong salud kun siring marikas nang maluya.
Iyan an nangyari sa espirituwal na sentido sa nagkapira sa enot na Kristianong kongregasyon. Nagprobar sindang mabuhay na ginagamit an saindang espirituwal na mga reserba. Posibleng marhay na pinabayaan ninda an personal na pag-adal, asin sinda nagin maluya sa espirituwal. (Hebreo 5:12) Ipinaliwanag ni apostol Pablo an peligro sa paggibo kaini kan sia sumurat sa mga Kristianong Hebreo: “Kinakaipuhan na kita magtao nin orog kisa dating atension sa mga bagay na satong nadangog, tanganing dai kita noarin man ikaanod.” Aram nia kun gurano kapasil na ikaanod pasiring sa maraot na mga ugale kun “mapabayaan niato an dakulaon na kaligtasan.”—Hebreo 2:1, 3.
Interesante nanggad, an sarong tawo na kulang sa sustansia dai man pirmeng helangon o maniwang na paghelingon. Kaagid kaiyan, tibaad dai marisa tolos-tolos na an sarong tawo nagugutom sa espirituwal. Puede kamong magsagin na marahay an kamugtakan nindo sa espirituwal dawa kun kamo dai nagkakakan nin tama—alagad sa halipot sanang panahon! Dai malilikayan na kamo maluya sa espirituwal, madaling maimpluwensiahan nin daing basehan na mga pagduwaduwa, asin dai kayang makipaglaban nin maigot para sa pagtubod. (Judas 3) Aram nindo—dawa kun mayo nin ibang nakaaaram—an tunay na kamugtakan kan saindong personal na pagkakan sa espirituwal.
Huli kaini, ipadagos an saindong personal na pag-adal. Maigot na labanan an mga pagduwaduwa. An dai pag-intindi sa garo sarong ordinaryong impeksion, an pagpalimanliman sa nakakokonsumir na pagduwaduwa, tibaad magkaigwa nin kapahapahamak na mga resulta. (2 Corinto 11:3) ‘Kita daw talagang nabubuhay na sa huring mga aldaw? Mapaniniwalaan daw nindo an gabos na sinasabi sa Biblia? Totoo daw na ini an organisasyon ni Jehova?’ Gustong-gusto ni Satanas na magbugtak nin arog kaining pagduwaduwa sa saindong isip. Dai pagtogotan an kapabayaan sa espirituwal na pagkakan na papangyarihon kamong magin madaling mabiktima kan saiyang mapandayang mga katokdoan. (Colosas 2:4-7) Sunodon an sadol na itinao ki Timoteo. Magin marahay na estudyante kan “banal na mga kasuratan” tanganing kamo ‘makapadagos sa mga bagay na saindong nanodan asin nakombensir na paniwalaan.’—2 Timoteo 3:13-15.
Tibaad kaipuhan nindo nin tabang sa paggibo kaini. An parasurat na nasambitan kasubago nagpadagos Santiago 5:14, 15.
sa pagsabi: “Huli sa grabeng pagkagutom an mga organo sa panunaw puedeng magkadiperensiang marhay dahelan sa kakulangan nin mga bitamina asin iba pang pangangaipo kaya dai na ninda kayang akoon an ordinaryong mga pagkakan kun itao iyan sa sainda. An mga tawong arog kaini an kamugtakan tibaad mangaipo nin kakanon na nagkakaipo nin kadikit na pagtunaw sa haloy-haloy na panahon.” Kaipuhan an espesyal na pangangataman tanganing maremedyohan an mga epekto sa hawak kan makuring gutom. Kaagid kaiyan, an saro na nagpabaya nin grabe sa saiyang personal na pag-adal kan Biblia tibaad nangangaipo nin dakol na tabang asin pagparigon sa boot tanganing mabawi an saiyang espirituwal na gana. Kun iyan an saindong situwasyon, humagad nin tabang asin maogmang akoon an ano man na tabang na iinaalok tanganing ibalik an saindong espirituwal na salud asin kosog.—Dai ‘Mag-urong-sulong sa Kadaihan nin Pagtubod’
Pinipensar an sirkunstansia kan patriarkang si Abraham, an nagkapira tibaad mag-isip na sia igwa nin lehitimong basehan na magduwaduwa. Tibaad garo rasonable nanggad na magkonklusyon na sia ‘dai nang paglaom na magin ama nin dakol na nasyon’—sa ibong kan panuga nin Dios. Taano? Bueno, kun sa punto de vista sana nin tawo, an situwasyon garo mayo nang paglaom. ‘Hinorophorop nia an saiyang sadiring hawak, na ngonyan gadan na, asin siring man an pagigin gadan na kan matris ni Sara,’ an sabi kan rekord sa Biblia. Pero, marigon niang dai tinogotan na makagamot sa saiyang isip asin puso an pagduwaduwa manongod sa Dios asin sa saiyang mga panuga. Si apostol Pablo nagsurat: “Sia dai nagluya sa pagtubod,” o “nag-urong-sulong sa kadaihan nin pagtubod.” Si Abraham nagdanay na ‘biyong kombensido na an ipinanuga nin Dios kaya man niang gibohon.’ (Roma 4:18-21) Nagpatalubo sia nin makosog, personal, may kapanarigan na relasyon ki Jehova sa nag-aging dakol na taon. Hinaboan nia an ano man na pagduwaduwa na puedeng nakapaluya sa relasyon na iyan.
Puede man nindong gibohon an arog kaiyan kun ‘padagos nindong pangangaptan an arogan nin ikararahay na mga tataramon’—kun magpapakabasog kamo sa espirituwal. (2 Timoteo 1:13) Pakaseryosohon an peligro nin pagduwaduwa. Si Satanas naggigibo nin pakikiguerra na puedeng apodon na espirituwal na ralaban paagi sa mikrobyo. Kun magpapabaya kamo sa pagkua nin masustansiang espirituwal na kakanon paagi sa personal na pag-adal sa Biblia asin paagi sa pag-atender sa Kristianong mga pagtiripon, ibinabalad nindo an saindong sadiri sa siring na mga pagsalakay. Aprobetsaran an dakol asin napapanahon na suplay nin espirituwal na kakanon na itinatao kan “fiel asin may diskresion na oripon.” (Mateo 24:45) Padagos na ‘mag-oyon sa ikararahay na mga tataramon’ asin magdanay na “makosog sa pagtubod.” (1 Timoteo 6:3; Tito 2:2) Dai pagtogotan an pagduwaduwa na raoton an saindong pagtubod.
[Mga Ritrato sa pahina 21]
Paano kamo nagpapakabasog sa espirituwal?