An Pinakamahalagang Pangyayari sa Kasaysayan

IYAN an kagadanan ni Jesu-Cristo. Taano ta mahalagang marhay iyan? Igwa nin dakol na dahelan.

An pagigin fiel ni Jesus sagkod sa kagadanan nagpatunay na puedeng papagdanayon nin tawo an integridad sa Dios.

An kagadanan ni Cristo nagtao nin oportunidad para sa nagkapira na makaibanan nia bilang namamahala sa langit. Iyan nagbukas man kan dalan para sa dakol na magkamit nin buhay na daing katapusan sa sarong paraiso sa daga.

Kan banggi bago sia nagadan, ginamit ni Jesus an tinapay na daing lebadura asin mapulang arak bilang mga simbolo kan saiyang mamomoton na atang bilang tawo. Asin sinabihan nia an saiyang mga disipulo: “Padagos na gibohon nindo ini sa paggirumdom sa sako.” (Lucas 22:19) Gigirumdomon daw nindo an mahalagang pangyayaring ini?

Kamo mainit na iniimbitaran kan Mga Saksi ni Jehova na umiba sa sainda sa pagselebrar kan Memorial kan kagadanan ni Jesus. Ngonyan na taon an petsa para sa pagselebrar na ini gigibohon sa Huebes, Marso 28, pagkasolnop kan saldang. Puede kamong umatender sa Kingdom Hall na pinakaharani sa saindong harong. Ihapot tabi sa Mga Saksi ni Jehova sa saindong lugar kun ano an eksaktong oras asin lugar.