Si Jehova Dakulaon sa Maimbod na Pagkamoot
Si Jehova Dakulaon sa Maimbod na Pagkamoot
“Si Jehova . . . dakulaon sa mamomoton na kabootan.”—SALMO 145:8.
1. Sagkod saen an pagkamoot nin Dios?
“AN Dios pagkamoot.” (1 Juan 4:8) An nakaoogmang pananaram na iyan nagpapatunay na an paagi nin pamamahala ni Jehova nakabasar sa pagkamoot. Tara, dawa an mga tawong dai nagkukuyog sa saiya nakikinabang sa saldang asin oran na mamomoton niang itinatao! (Mateo 5:44, 45) Huli sa pagkamoot nin Dios sa kinaban nin katawohan, dawa an saiyang mga kaiwal puedeng magsolsol, bumalik sa saiya, asin magkamit nin buhay. (Juan 3:16) Minsan siring, sa dai na mahahaloy paparaon ni Jehova an dai na mababakleng mga maraot tangani na an mga tawong namomoot sa saiya magkamit nin buhay na daing katapusan sa sarong matanos na bagong kinaban.—Salmo 37:9-11, 29; 2 Pedro 3:13.
2. Anong espesyal na aspekto nin pagkamoot an ipinaheheling ni Jehova sa mga may dusay na relasyon sa saiya?
2 Ipinaheheling ni Jehova an pagkamoot sa saiyang tunay na mga parasamba sa mahalagang marhay asin nagdadanay na paagi. An siring na pagkamoot ipinaririsa nin sarong termino sa Hebreo na trinadusir na “mamomoton na kabootan,” o “maimbod na pagkamoot.” Odok na inapresyar ni Hadeng David kan suanoy na Israel an mamomoton na kabootan nin Dios. Huli sa personal niang eksperyensia asin sa paghorophorop nia sa mga Salmo 145:8.
pagtratar nin Dios sa iba, may kompiansang nakapag-awit si David: “Si Jehova . . . dakulaon sa mamomoton na kabootan [o, “maimbod na pagkamoot”].”—Pakamidbid sa mga Maimbod nin Dios
3, 4. (a) Paano kita tinatabangan kan Salmo 145 na mamidbid an mga maimbod ni Jehova? (b) Paano an mga maimbod nin Dios ‘nag-oomaw’ sa saiya?
3 Mapadapit ki Jehova Dios, an ina ni propeta Samuel na si Ana nagsabi: “An mga bitis kan saiyang mga maimbod binabantayan nia.” (1 Samuel 2:9) Sairisay an “mga maimbod” na iyan? Itinatao ni Hadeng David an simbag. Pakatapos na irukyaw an makangangalas na mga kualidad ni Jehova, sia nagsabi: “An saimong mga maimbod mag-oomaw sa saimo.” (Salmo 145:10) An mga tawo makaoomaw sa Dios paagi sa pagtaram nin marahay dapit sa saiya.
4 An mga maimbod ni Jehova mamimidbid na iyo idtong mga naggagamit kan saindang ngoso sa pagtaram nin marahay dapit sa saiya. Sa mga pagtirotiripon sosyal asin sa Kristianong mga pagtiripon, ano an pankagabsan na tema kan saindang orolay? Tara, iyan an Kahadean ni Jehova! An maimbod na mga lingkod nin Dios may sentimiento na kapareho kan ki David, na nag-awit: “Sinda magtataram dapit sa kamurawayan kan . . . paghade [ni Jehova], asin isasabi ninda an dapit sa saimong pagkamakakamhan.”—Salmo 145:11.
5. Paano niato naaaraman na naghihinanyog si Jehova kun an saiyang mga maimbod nagtataram nin marahay dapit sa saiya?
5 Naghihinanyog daw si Jehova kun inoomaw sia kan saiyang mga maimbod? Iyo, tinatawan nia nin atension an saindang sinasabi. Sa sarong hula may koneksion sa tunay na pagsamba sa satong kaaldawan, si Malaquias nagsurat: “Sa panahon na iyan idtong mga nagkakatarakot ki Jehova nag-oorolay-olay, an lambang saro sa saiyang kaibanan, asin si Jehova padagos na nagtao nin atension asin naghinanyog. Asin an sarong libro nin girumdoman pinonan na isurat sa atubangan nia para sa mga natatakot ki Jehova asin para sa mga naghohorophorop sa saiyang ngaran.” (Malaquias 3:16) Naoogmang marhay si Jehova kun an saiyang mga maimbod nagtataram nin marahay dapit sa saiya, asin ginigirumdom nia sinda.
6. Anong aktibidad an nagtatabang sa sato na mamidbid an mga maimbod nin Dios?
6 An maimbod na mga lingkod ni Jehova mamimidbid man paagi sa saindang kosog nin boot asin inisyatiba na makipag-olay sa mga tawo na dai nagsasamba sa tunay na Dios. Tunay nanggad, an mga maimbod nin Dios ‘ipinapaisi sa mga aki nin mga tawo an saiyang makakamhan na mga gibo asin an kamurawayan kan kagayonan kan saiyang paghade.’ (Salmo 145:12) Hinahanap asin lubos daw nindong inaaprobetsaran an mga oportunidad na makipag-olay sa mga dai nindo kamidbid manongod sa paghade ni Jehova? Bakong arog nin mga gobyerno nin tawo, na madali nang mawara, an saiyang paghade daing sagkod. (1 Timoteo 1:17) Importante na an mga tawo makanood manongod sa daing katapusan na paghade ni Jehova asin manindogan bilang mga parasuportar kaiyan. “An saimong paghade sarong paghade sa gabos na panahon na daing talaan,” an inawit ni David, “asin an saimong pagsakop sa bilog na panahon kan gabos na sunod-sunod na kapag-arakian.”—Salmo 145:13.
7, 8. Ano an nangyari kan 1914, asin ano an ebidensia na an Dios nagrereynar na ngonyan paagi sa Kahadean kan saiyang Aki?
7 Poon kan 1914, nagkaigwa nin dagdag pang dahelan na magtaram manongod sa paghade ni Jehova. Kan taon na iyan, inestablisar nin Dios an langitnon na Mesiyanikong Kahadean na si Jesu-Cristo, na Aki ni David, an Hade. Sa siring inotob ni Jehova an saiyang panuga na an paghade ni David maeestablisar nin marigon sagkod sa panahon na daing talaan.—2 Samuel 7:12, 13; Lucas 1:32, 33.
8 An ebidensia na si Jehova nagrereynar na ngonyan paagi sa Kahadean kan saiyang Aki, si Jesu-Cristo, Mateo 24:3-14) Huling maigot na inootob kan mga maimbod nin Dios an hula na iyan, labing anom na milyon na lalaki, babae, asin aki an nakikikabtang ngonyan sa dakula asin nungka pang maootro na gibohon na ini. Sa dai na mahahaloy madatong an katapusan para sa gabos na nagtutumang sa Kahadean ni Jehova.—Kapahayagan 11:15, 18.
maheheling sa nangyayaring kaotoban kan tanda kan presensia ni Jesus. An pinakalataw na kabtang kan tanda na iyan iyo an gibohon na ihinula ni Jesus para sa gabos na maimbod nin Dios kan sabihon nia: “An maogmang baretang ini kan kahadean ihuhulit sa bilog na ineerokan na daga para sa pagpatotoo sa gabos na nasyon; dangan madatong an katapusan.” (Pakikinabang sa Soberaniya ni Jehova
9, 10. Ano an kalaenan ni Jehova asin kan mga namamahalang tawo?
9 Kun kita nagdusay na mga Kristiano, an satong relasyon sa Soberanong Kagurangnan na si Jehova nagtatao sa sato nin dakol na pakinabang. (Salmo 71:5; 116:12) Halimbawa, huling kita natatakot sa Dios asin naggigibo nin katanosan, nakakamtan niato an saiyang pag-oyon asin kita dayupot sa saiya sa espirituwal. (Gibo 10:34, 35; Santiago 4:8) Sa kabaliktaran, an mga namamahalang tawo parateng naheheling na kaibanan nin prominenteng mga tawo, arog baga nin mga lider militar, mayayaman na negosyante, o mga sikat sa langtad nin isport asin aling-alingan. Segun sa peryodiko sa Aprika na Sowetan, an sarong prominenteng opisyal sa gobyerno nagsabi kan minasunod manongod sa nagtitios na mga lugar sa saiyang nasyon: “Nasasabotan ko kun taano ta an kadaklan sa sato habong magduman sa siring na mga lugar. Iyan huli sana ta gusto niatong lingawan na nag-eeksister an siring na situwasyon. Nakokonsensia kita asin nasusupog kita huli sa mamahalon [na mga auto] na minamaneho niato.”
10 Siempre, an nagkapirang namamahalang tawo sinsero an pagmakolog sa ikararahay kan mga sakop ninda. Alagad maski an pinakanoble sa sainda dai midbid nin personal an mga sakop ninda. Sa katunayan, tibaad ihapot niato: Igwa daw nin siisay man na namamahala na dakula an pagmakolog sa gabos na sakop nia kaya maagap siang minatabang sa lambang saro sa mga panahon nin problema? Igwa. Nagsurat si David: “Si Jehova nagtatabang sa gabos na napupukan, asin binabangon an gabos na napapalaob.”—Salmo 145:14.
11. Anong mga pagbalo an minaabot sa mga maimbod nin Dios, asin anong tabang an inaako ninda?
11 Dakol na pagbalo asin kalamidad an minaabot sa mga maimbod ni Jehova Dios huli sa sainda mismong pagkabakong sangkap asin huli ta nabubuhay sinda sa kinaban na namumugtak sa kapangyarihan ni Satanas, an “maraot.” (1 Juan 5:19; Salmo 34:19) An mga Kristiano nakakaeksperyensia nin paglamag. An nagkapira igwa nin pabalikbalik na helang o nagadanan nin namomotan. Kun minsan, an salang mga nagibo kan mga maimbod ni Jehova tibaad magin dahelan na sinda ‘mapalaob’ huli sa panluluya nin boot. Minsan siring, ano man na pagbalo an umabot sa sainda, si Jehova pirmeng andam na magtao nin karangahan asin espirituwal na kosog sa lambang saro sa sainda. An Hadeng si Jesu-Cristo igwa nin kaparehong mamomoton na interes sa saiyang maimbod na mga sakop.—Salmo 72:12-14.
Nakakokontentong Kakanon sa Kapanahonan
12, 13. Gurano karahay na itinatao ni Jehova an mga pangangaipo nin “lambang bagay na may buhay”?
12 Huli sa saiyang dakulaon na mamomoton na kabootan, itinatao ni Jehova an gabos na pangangaipo kan saiyang mga lingkod. Kabale digdi an pagpanigo sa sainda nin masustansiang kakanon. Si Hadeng David nagsurat: “Sa saimo [Jehova] an mata nin gabos naghahalat na may paglaom, asin itinatao mo sa sainda an saindang kakanon sa kapanahonan kaiyan. Binibiklad mo an saimong kamot asin pinaninigoan an mawot nin lambang bagay na may buhay.” (Salmo 145:15, 16) Maski sa mga panahon nin kalamidad, puedeng maniobrahon ni Jehova an mga bagay-bagay tanganing an saiyang mga maimbod makakua nin “tinapay para sa aldaw” na iyan.—Lucas 11:3; 12:29, 30.
13 Nasambit ni David na an “lambang bagay na may buhay” naninigoan. Kabale dian an mga hayop. Kun bakong dahel sa abundang pananom sa daga asin sa dagat, an mga linalang na nabubuhay sa tubig, mga gamgam, asin mga hayop na nabubuhay sa daga mayo nin mahahangos na oksiheno o mayo nin makakakan. (Salmo 104:14) Minsan siring, sinesegurado ni Jehova na an gabos nindang pangangaipo napaninigoan.
14, 15. Paano itinatao ngonyan an espirituwal na kakanon?
14 Bakong arog nin mga hayop, an mga tawo igwa nin espirituwal na pangangaipo. (Mateo 5:3) Kanigoan kamakangangalas na pinaninigoan ni Jehova an espirituwal na mga pangangaipo kan saiyang mga maimbod! Bago sia magadan, nanuga si Jesus na “an fiel asin may diskresion na oripon” matao sa mga parasunod ni Jesus nin espirituwal na “kakanon sa igong panahon.” (Mateo 24:45) An mga natatada kan 144,000 na linahidan an minakompuesto kan grupong oripon na iyan ngonyan. Paagi sa sainda, si Jehova nagtao nanggad nin abundang espirituwal na kakanon.
15 Halimbawa, an kadaklan sa banwaan ni Jehova ngonyan nakikinabang sa bago asin eksaktong traduksion kan Biblia sa sadiri nindang lenguahe. Abaa kamakangangalas na bendisyon an New World Translation of the Holy Scriptures! Dugang pa, minilyon na pantabang sa pag-adal sa Biblia an padagos na ipinupublikar sa labing 300 na lenguahe. An gabos na espirituwal na kakanon na ini nagin bendisyon sa tunay na mga parasamba sa bilog na daga. Kiisay maninigong itao an kredito para sa gabos na ini? Ki Jehova Dios. Dahel sa saiyang dakulaon na mamomoton na kabootan, pinagin posible nia na ikatao kan grupong oripon an “kakanon Lucas 23:42, 43.
sa kapanahonan kaiyan.” Paagi sa siring na mga probisyon, napaninigoan “an mawot nin lambang bagay na may buhay” sa presenteng panahon na espirituwal na paraiso. Asin naggagayagaya nanggad an mga lingkod ni Jehova sa paglaom na madali na nindang maheling an daga na magin sarong literal na paraiso!—16, 17. (a) Ano an mga halimbawa nin espirituwal na kakanon na nagdatong sa tamang kapanahonan? (b) Paano ipinahahayag kan Salmo 145 an mga saboot kan mga maimbod nin Dios mapadapit sa pangenot na isyu na pinalataw ni Satanas?
16 Estudyare an sarong pambihirang halimbawa nin espirituwal na kakanon na inaako sa tamang kapanahonan. Durante kan 1939, an Guerra Mundial II nagpoon sa Europa. Kan taon man na iyan, an luwas na Nobyembre 1 kan An Torrengbantayan igwa nin artikulo na may titulong “Neutralidad.” Bilang resulta kan itinaong malinaw na impormasyon, nasabotan kan Mga Saksi ni Jehova sa bilog na kinaban an pangangaipo na magdanay na estriktong neutral sa mga aktibidad kan naggeguerrang mga nasyon. Dahel kaini sinapo ninda an grabeng kaanggotan nin mga gobyerno sa man-ibong-ibong na lado kan anom na taon na ralaban na idto. Minsan siring, apisar na pigprohibir asin pinaglamag, an mga maimbod nin Dios nagpadagos sa paghuhulit kan maogmang bareta kan Kahadean. Poon 1939 sagkod 1946, binendisyonan sinda nin makangangalas na 157 porsientong pag-oswag. Dugang pa, an saindang pambihirang rekord nin integridad durante kan guerrang idto padagos na nakatatabang sa mga tawo na mamidbid an tunay na relihion.—Isaias 2:2-4.
17 An espirituwal na kakanon na itinatao ni Jehova bako sanang napapanahon kundi nakakokontento man na marhay. Mantang an mga nasyon nasa kasagsagan nin pagralaban durante kan Guerra Mundial II, an banwaan ni Jehova tinabangan na magkonsentrar sa sarong bagay na orog nanggad na importante kisa sadiri nindang kaligtasan. Tinabangan sinda ni Jehova na masabotan na an pangenot na isyu, na kalabot an bilog na uniberso, igwa nin koneksion sa makatanosan na soberaniya ni Jehova. Nakakokontento nanggad na maaraman na paagi sa saindang kaimbodan an lambang Saksi ni Jehova igwa kaidto nin sadit na kabtang sa pagbindikar kan soberaniya ni Jehova asin sa pagpatunay na an Diablo putikon! (Talinhaga 27:11) Bakong arog ki Satanas, na pinapakaraot si Jehova asin an saiyang paagi nin pamamahala, an mga maimbod ni Jehova padagos na nagpapahayag sa publiko: “Si Jehova matanos sa gabos niang dalan.”—Salmo 145:17.
18. Ano an bago pa sanang halimbawa nin espirituwal na kakanon na napapanahon sagkod nakakokontentong marhay?
18 An saro pang halimbawa nin napapanahon asin nakakokontentong espirituwal na kakanon iyo an librong Rumani ki Jehova, na ilinuwas sa ginatos na “Maigot na mga Parabalangibog kan Kahadean” na Pandistritong Kombension na ginibo sa bilog na kinaban kan 2002/03. An librong ini, na ginibo kan “fiel asin may diskresion na oripon” asin ipinublikar kan Mga Saksi ni Jehova, nakasentro sa makangangalas na mga kualidad ni Jehova Dios, kabale an mga nasambit sa Salmo 145. An marahayon na librong ini siertong magkakaigwa nin mahalagang papel sa pagtabang sa mga maimbod nin Dios na orog pa nganing rumani sa saiya.
Panahon na Orog Pang Rumani ki Jehova
19. Anong importanteng panahon an harani na, asin paano niato puedeng atubangon iyan?
19 Harani na an importanteng panahon sa Ezequiel kapitulo 38, madali nang luboson ni Satanas an saiyang papel bilang “Gog kan daga nin Magog.” Mangangahulogan ini nin pambilog na kinaban na pagsalakay sa banwaan ni Jehova. Iyan magigin todo-todong pagprobar ni Satanas na raoton an integridad kan mga maimbod nin Dios. Orog kasuarin man kaidto, an mga nagsasamba ki Jehova mangangaipong mag-arang sa saiya nin maigot, na nagkukurahaw pa ngani na tabangan. Mawawaran daw nin saysay an saindang reberensial na pagkatakot sa Dios asin pagkamoot sa saiya? Dai nanggad, ta an Salmo 145 nagsasabi: “Si Jehova harani sa gabos na nag-aarang sa saiya, sa gabos na nag-aapod sa saiya sa katotoohan. Ootobon nia an mawot kan mga natatakot sa saiya, asin dadangogon nia an agrangay ninda na tabangan, asin sinda saiyang ililigtas. Binabantayan ni Jehova an gabos na namomoot sa saiya, alagad an gabos na maraot saiyang paparaon.”—Salmo 145:18-20.
pagresolber sa isyu kan soberaniya ni Jehova. Siring sa ihinula sa20. Paano magkakatotoo an mga tataramon sa Salmo 145:18-20 sa harani nang ngapit?
20 Makapupukaw nanggad sa boot na maeksperyensiahan an pagigin harani ni Jehova asin an saiyang kapangyarihan na magligtas kun paraon na nia an gabos na maraot! Sa importanteng panahon na iyan na harani nang marhay, an hihinanyogon sana ni Jehova idtong mga “nag-aapod sa saiya sa katotoohan.” Dai nanggad nia hihinanyogon an mga parasaginsagin. Malinaw na ipinaheheling kan Tataramon nin Dios na an ano man na ultimo-orang paggamit sa saiyang ngaran kan mga maraot basang sana kaidto pa.—Talinhaga 1:28, 29; Miqueas 3:4; Lucas 13:24, 25.
21. Paano ipinaheheling kan mga maimbod ni Jehova na sinda naoogmang marhay na gamiton an ngaran nin Dios?
21 Orog kisa kasuarin man, ngonyan na an panahon na an mga natatakot ki Jehova ‘mag-apod sa saiya sa katotoohan.’ An saiyang mga maimbod naoogmang marhay na gamiton an ngaran nia sa saindang mga pamibi asin sa mga pagkomento ninda sa saindang mga pagtiripon. Ginagamit ninda an ngaran nin Dios kun nag-oorolay sa pribado. Asin may kosog nin boot na ipinahahayag ninda an ngaran ni Jehova sa saindang pampublikong ministeryo.—Roma 10:10, 13-15.
22. Taano ta mahalagang marhay na padagos na labanan an kinabanon na mga aktitud asin pagmawot?
22 Tanganing padagos na makinabang sa haraning relasyon niato ki Jehova Dios, mahalaga man na marhay na padagos niatong labanan an mga bagay na nakadadanyar sa espirituwal na arog baga kan materyalismo, nakararaot na aling-alingan, pagigin bakong mapagpatawad, o pagigin indiperente sa mga nangangaipo. (1 Juan 2:15-17; 3:15-17) Kun dai ikokorehir, an siring na mga pinaggigibo asin ugale puedeng magresulta sa paggibo nin magabat na kasalan asin pagkawara kan pag-oyon ni Jehova sa huri. (1 Juan 2:1, 2; 3:6) Madonong na tandaan na si Jehova padagos na mapaheling sa sato nin mamomoton na kabootan, o maimbod na pagkamoot, basta kita magdadanay na fiel sa saiya.—2 Samuel 22:26.
23. Anong marahayon na ngapit an naghahalat sa gabos na maimbod nin Dios?
23 Kun siring padagos niatong isentro an satong kaisipan sa marahayon na ngapit na naghahalat sa gabos na maimbod ni Jehova. Sa paggibo kaiyan, yaon sa sato an makangangalas na oportunidad na mapabilang sa mga magpapamuraway asin mag-oomaw ki Jehova “sa bilog na aldaw” asin “sagkod lamang pa ngani.” (Salmo 145:1, 2) Kun siring, logod na ‘magdanay kita sa pagkamoot nin Dios na nasa isip an buhay na daing katapusan.’ (Judas 20, 21) Mantang kita padagos na nakikinabang sa marahayon na mga kualidad kan satong langitnon na Ama, kabale an dakulaon na mamomoton na kabootan na ipinaheheling nia sa mga namomoot sa saiya, logod na an satong sentimiento magin pirmeng arog kan mga ipinahayag ni David sa ultimong mga tataramon sa Salmo 145: “An kaomawan ni Jehova itataram kan sakong ngoso; asin an gabos na laman mag-omaw logod sa saiyang banal na ngaran sa panahon na daing talaan, sagkod lamang pa ngani.”
Ano an Isisimbag Nindo?
• Paano nakatatabang an Salmo 145 na mamidbid an mga maimbod nin Dios?
• Paano ‘pinaninigoan ni Jehova an mawot nin lambang bagay na may buhay’?
• Taano ta kaipuhan kitang orog pang rumani ki Jehova?
[Mga Hapot Para sa Pag-adal]
[Ritrato sa pahina 16]
An mga maimbod nin Dios naoogmang marhay na pag-orolayan an saiyang makakamhan na mga gibo
[Ritrato sa pahina 17]
An mga lingkod ni Jehova may kosog nin boot na tinatabangan an mga dai ninda kamidbid na manodan an manongod sa kamurawayan kan saiyang paghade
[Mga Ritrato sa pahina 18]
Tinatawan ni Jehova nin kakanon an “lambang bagay na may buhay”
[Credit Line]
Mga hayop: Parque de la Naturaleza de Cabárceno
[Ritrato sa pahina 19]
Tinatawan ni Jehova nin kosog asin paggiya an saiyang mga maimbod, na naghahagad nin tabang nia sa pamibi