Ikinakaladawan daw Nindo sa Isip an Binabasa Nindo?

TANGANING ikaladawan sa isip an mga pangyayari, manonompongan nindo na nakakatabang an magin pamilyar sa mga lugar na binabasa nindo. Halimbawa, estudyare an mga pagbiahe sa pagmimisyonero ni apostol Pablo, na isinaysay sa libro sa Biblia na Gibo. Sa enot niang pagbiahe sa pagmimisyonero, nagpoon sia sa Antioquia, kun saen enot na inapod na mga Kristiano an mga parasunod ni Jesus. Hale duman nagbiahe sia sa mga lugar na arog kan Salamina, Antioquia sa Pisidia, Iconio, Listra, asin Derbe. Ikinakaladawan daw nindo sa isip kun yaon saen an mga lugar na ini?

Tibaad dai nindo magibo ini, apuera sana kun may mapa kamo. Sa bagong 36 na pahinang brosyur na “See the Good Land,” kaiba an arog kaiyan na mapa. An sarong parabasa hale sa Montana, E.U.A., may pag-apresyar na nagkomento: “Naheheling ko an mga pagbiahe ni Pablo asin pinagmamaigotan kong iladawan sa isip an klase kan pagbiahe nia asin an gibohon na ginibo nia asin kan iba pa kan enot na siglo sa pagpalakop kan maogmang bareta. Salamat sa arog kaiyan kagayon na bisual na pantabang.”

An mapa kan mga pagbiahe ni Pablo saro sana sa dakol na mapang yaon sa brosyur na ini na matabang sa mga parabasa na ikaladawan sa isip an isinasaysay sa Biblia. Puede kamong humagad nin kopya kan “See the Good Land” paagi sa pagllenar kan kaibang kupon asin pagpadara kaiyan sa adres na ipinaheling digdi o sa angay na adres sa pahina 2 kan magasin na ini.

□ Gusto kong maghagad nin sarong kopya kan brosyur na “See the Good Land.”

□ Kontakon tabi ako para sa daing bayad na pag-adal sa Biblia.

[Picture Credit Line sa pahina 32]

Pictorial Archive (Near Eastern History) Est.