An New Year’s Tree—Iyan daw Rusong Simbolo? Iyan daw Kristianong Simbolo?

“SA KAPINONAN kan dekada nin 1830, an kahoy na pirmeng berde inaapod pa man giraray na ‘kawiliwiling marhay na ideyang Aleman.’ Sa katapusan kan dekadang iyan, ‘nagin kostumbre’ na iyan sa mga harong kan piling grupo sa St. Petersburg. . . . Sa mga harong sana kan mga klero asin sa mga kubo kan mga paraoma na dai inako an kahoy na pirmeng berde kan ika-19 siglo. . . .

“Bago kaidto, an kahoy na iyan . . . dai tinatawan nin espesyal na pabor. An bagay na ibinibilang iyan na simbolo nin kagadanan asin ikinokonektar sa ‘kinaban kan kalag nin mga nagadan’ segun sa Rusong tradisyon, saka an tradisyon na pagbugtak kan kahoy na iyan sa mga atop nin mga taberna, bakong kaoyon kan mga pagbabago sa aktitud na nangyari sa kabangaan kan ika-19 siglo. . . . Biyong nasasabotan na sa proseso kan pag-ako kaiyan, an tradisyon na hale sa ibang nasyon nagkaigwa nin kaparehong kahulogan na iinaatribwir sa Christmas tree sa Solnopan, an koneksion kaiyan sa tema kan Pasko. . . .

“Dai nagin pasil sa Rusya an paggibo kan kahoy na iyan na magin Kristianong simbolo. Kinontra iyan kan Iglesia Ortodokso. Naheling kan klero sa bagong selebrasyon na iyan an ‘sa demonyong gibo,’ sarong paganong tradisyon, na mayo nin koneksion sa pagkamundag kan Paraligtas, asin apuera kaini, iyan tradisyon na hale sa Solnopan.”​—Propesor Yelena V. Dushechkina, doktor sa pilolohikong mga siensia sa St. Petersburg State University.

[Picture Credit Line sa pahina 32]

Retrato: Nikolai Rakhmanov