“Aram daw Nindo an Ngaran nin Dios?”

AN HAPOT na iyan nakapukaw sa interes nin sarong babae sa timog-solnopan na parte kan Asia Sentral. Naglataw an hapot na iyan sa tutob kan Enero 22, 2004 isyu kan Awake!, na kapadis kan magasin na ini. Nagsurat an babae sa mga kagpublikar: “Tolos-tolos akong naakit sa saindong magasin, asin nakatabang iyan sa sako na magkonsentrar sa marahay na mga prinsipyo sa moral. Nagigin mas positibo an pagmansay ko sa buhay. Sinasabi ko sa gabos an manongod sa satong Dios asin sa katoninongan na itinatao kan kaaraman na ini.”

An totoo, sa dakol na lugar “sagkod sa kaporoporohi kan daga,” naaaraman na kan mga tawo an ngaran nin Dios, an Jehova. (Gibo 1:8) Halimbawa, an ngaran na ini sa lenguaheng Turkmen, an Yehowa, pasil sanang manompongan sa traduksion kan Banal na Kasuratan sa Turkmen. An Salmo 8:1 nagsasabi: “Jehova na samong Kagurangnan, kanigoan kamamuraway kan saimong ngaran sa bilog na daga!”

Tanganing makanood nin orog pa manongod ki Jehova Dios, naghagad an babae nin sarong kopya kan 32-pahinas na brosyur na The Divine Name That Will Endure Forever. Puede man kamong humagad kan brosyur na ini sa saro sa Mga Saksi ni Jehova.