Mahalagang mga Leksion Para sa mga Hoben

NAGTATRABAHO si Gladys sa sarong eskuelahan sa Mendoza, Argentina. Sarong aldaw sia nag-agi sa sarong kuarto sa eskuelahan asin narisa nia an sarong maestra na binabasa an My Book of Bible Stories sa saiyang mga estudyante sa ikaapat na grado. * Nagpamidbid si Gladys sa maestra bilang saro sa Mga Saksi ni Jehova asin nagsabi na puede niang ipaheling sa saiya kun paano lubos na makikinabang sa publikasyon na iyan. Huling napahanga sa ipinaliwanag sa saiya ni Gladys, gusto kan maestra na an librong iyan gibohon na regular na kabtang kan leksion. Minsan siring, kaipuhan niang humagad nin permiso sa administrasyon kan eskuelahan. Itinao an permiso, na ikinaogma niang marhay.

Paghaloyhaloy, sa sarong aldaw sa eskuelahan na espesyalmenteng itinalaan tanganing enganyaron an pagbasa nin libro, inasignaran kan maestra an saiyang mga estudyante na basahon nin makosog sa saindang mga kaeskuela an sarong kapitulo sa librong iyan. Bilang resulta kan marahay na reaksion sa programang ini, inimbitaran an maestra na magin bisita sa sarong lokal na programa sa telebisyon. Kan masambitan an gawe-gawe nin mga aking nag-eeskuela, hinapot sia kan host kan programa sa telebisyon, “Paano nindo napapagdanay na toltol an gawe-gawe kan mga aki sa saindong klase?” Ipinaliwanag kan maestra na ginagamit nia an publikasyon na may titulong My Book of Bible Stories. Ipinaliwanag nia na minsan ngani dai sia nagtotokdo nin relihion sa saiyang klase, paagi sa librong ini, itinatadom nia an moral na mga prinsipyo siring kan paggalang, pagpahunod, pagkasararo, pagkooperar, pagigin makinuyog, asin pagkamoot. An gabos nag-oyon na ini mahalagang mga leksion na kaipuhan na manodan kan mga hoben.

Gusto daw nindong itadom an siring na mga prinsipyo sa saindong mga aki? Puede kamong humagad nin kopya kan kawiliwiling publikasyon na My Book of Bible Stories sa saro sa Mga Saksi ni Jehova.

[Nota sa Ibaba]