An Ngaran nin Dios sa Musikang Ruso

KAN 1877, an midbid na marhay na Rusong kompositor na si Modest Mussorgsky nagpublikar nin sarong musikang pangkoro na basado sa sarong estorya na nangyari sa kadagaan sa Biblia. “Nagsurat ako nin sarong eksena sa Biblia, an Jesus Navinus [Joshua], na biyong basado sa Biblia asin sinusunod pa ngani kaiyan an inagihan kan mapangganang mga pagmartsa ni Navinus sa Canaan,” an isinurat nia sa sarong katood. Sa iba pang komposisyon, na kaiba an “The Destruction of Sennacherib,” naggamit man si Mussorgsky nin mga tema asin personahe sa Biblia.

Makahulogan nanggad, sa “Jesus Navinus,” saka sa saiyang edisyon kan “The Destruction of Sennacherib” kan 1874, sinambit ni Mussorgsky an Dios, na ginagamit an pagpronunsiar sa Ruso kan ngaran nin Dios, na irinerepresentar sa Hebreong Kasuratan kan apat na konsonante—יהוה (YHWH)—asin minalataw nin haros 7,000 na beses.

Kun siring, an mga isinurat na ini ni Mussorgsky nagpapatunay na an ngaran nin Dios sa Biblia—an Jehova—midbid sa sosyedad nin mga Ruso bago pa nanggad kan kapinonan kan ika-20 siglo. Angay iyan, huli ta si Jehova mismo nagsabi ki Moises: “Ini an sakong ngaran sagkod sa panahon na daing talaan, asin iyo ini an sakong girumdoman sa sunod-sunod na kapag-arakian.”—Exodo 3:15.

[Ritrato sa pahina 32]

St. Petersburg Conservatory kan 1913, na duman iniingatan an inimprentang kopya kan musika ni Mussorgsky

[Picture Credit Line sa pahina 32]

Piyesa nin musika: An Scientific Music Library kan Saint-Petersburg State Conservatory na inginaran ki N.A. Rimsky-Korsakov; eksena sa tinampo: National Library of Russia, St. Petersburg