Ikinakagayagaya Mo daw an Pribilehio nin ‘Sadiring Boot na Pagtao’?

MIDBID an enot na mga Kristiano sa Filipos huli sa saindang bukas-palad na pagsuportar sa tunay na pagsamba. Sa ipinasabong na surat ni Pablo sa sainda, sia nagsabi: “Ako nagpapasalamat sa sakong Dios sa gabos kong pakaguiromdom saindo, sa guiraray sa gabos kong paggñayogñayo dahel saindo gabos, ako naoogma na maggñayogñayo, manogñod sa saindong pakisumaro sa pagpadakula kan evangelio magpoon kan enot na aldao sagkod gñunian.” (Fil. 1:3-5) Nagigirumdoman na marhay ni Pablo kan mabautismohan si Lidia saka an kairiba nia sa harong asin, huling mapagpasakat, pinirit nia si Pablo pati an kairiba kaini sa paghuhulit na dumagos sa harong nia.—Gui. 16:14, 15.

Dai nahaloy pagkatapos kaiyan, an bagong maestablisar na kongregasyon sa Filipos duwang beses na nagpadara ki Pablo nin mga pangangaipo nia durante kan pag-istar nia nin pirang semana sa mga kapagtubod sa Tesalonica, na haros 160 kilometros an rayo. (Fil. 4:15, 16) Pakalihis nin pirang taon, mantang makuri an pagsakit asin grabe an  “kadukhaan” kan mga tugang sa Filipos asin kan iba pa sa Macedonia, nabaretaan ninda an mga pangangaipo kan pinepersegir na mga Kristiano sa Jerusalem kaya gusto nindang tabangan sinda. Pinatunayan ni Pablo na ini talagang “labi pa sa saindang makakayanan.” Pero, isinurat nia: “Sinda nagtao sa saindang sadiring boot, na nakikimaherak samo sa kanigoan na paggñayogñayo.”—2 Cor. 8:1-4; Roma 15:26.

Mga sampulong taon pagkatapos na akoon kan mga taga Filipos an Kristianismo, nagpapaheling pa man giraray sinda kan siring na pagkabukas-palad. Huling nabaretaan ninda na si Pablo ibinilanggo sa Roma, isinugo ninda si Epafrodito na magbiahe nin 1,287 kilometros sa daga asin dagat tanganing magdara sa apostol nin mga pangangaipo nia. Malinaw nanggad na an mga taga Filipos gustong magtao ki Pablo nin mga pangangaipo nia tanganing sia makapadagos sa pagpakosog sa mga tugang asin sa paghuhulit, dawa nasa bilanggoan.—Fil. 1:12-14; 2:25-30; 4:18.

Ngonyan, para sa tunay na mga Kristiano sarong pribilehio na suportaran an paghuhulit kan Kahadean asin paggibo nin mga disipulo. (Mat. 28:19, 20) Sinusuportaran man ninda an intereses kan Kahadean paagi sa pagtao nin panahon, kosog, asin kuarta. Ipinapaheling kan kahon na nasa ibaba an nagkapirang paagi na puede kang makikabtang sa pagsuportar sa aktibidad na ini na itinao nin Dios.

[Kahon sa pahina 22, 23]

MGA PAAGI NIN PAGTAO NA PINIPILI NIN NAGKAPIRA

MGA KONTRIBUSYON SA PAMBILOG NA KINABAN NA GIBOHON

An dakol nagtatagama, o nagbabadyet, nin kantidad na ihinuhulog ninda sa mga kahon nin kontribusyon na may nakasurat na “Worldwide Work.”

Kada bulan, ipinapadara kan mga kongregasyon an kantidad na ini sa opisina kan Mga Saksi ni Jehova na nakakasakop sa saindang nasyon. An boluntad na mga donasyon na kuarta puede man na direktang ipadara sa Watch Tower Bible and Tract Society of the Philippines, Inc., PO Box 2044, 1060 Manila, o sa sangang opisina kan Mga Saksi ni Jehova na nakakasakop sa saindong nasyon. (An boluntad na mga donasyon na espesipikong sinambit sa ibaba puede man na ipadara sa sangang opisina kan Mga Saksi ni Jehova na nakakasakop sa saindong nasyon.) An mga tseke na ipinapadara sa adres na nasa enotan maninigong gibohon na payable to “Watch Tower Society.” Puede man idonar an mga alahas o iba pang mahalagang bagay. An sarong halipot na surat na nagsasabing iyan direktang regalo maninigong iiba sa mga kontribusyon na ini.

AREGLO SA IPINAGKATIWALANG KUARTA NA KONDISYONAL NA DONASYON

Puedeng ipagkatiwala an kuarta sa Watch Tower Society tanganing magamit sa pambilog na kinaban na gibohon. Minsan siring, ibabalik an donasyon kun hagadon kan nagdonar. Para sa dugang pang impormasyon, sumurat tabi sa Treasurer’s Office sa adres na nasa enotan o mag-apod sa (02) 411-6090.

PLANO PARA SA PAG-ABULOY

Apuera sa direktang mga regalong kuarta, may iba pang paagi nin pagtao para sa kapakinabangan kan paglilingkod sa Kahadean sa bilog na kinaban. Kabale digdi an:

Insurance: An Watch Tower Society puedeng gibohon na benepisyaryo nin life insurance policy o plano sa pagretiro/pension.

Deposito sa Bangko: An deposito sa bangko, sertipiko nin deposito, o indibiduwal na deposito sa pagretiro puedeng ipagkatiwala o gibohon na payable to Watch Tower Society pagkagadan kan nagdeposito, kaoyon kan lokal na mga kahagadan kan bangko.

Stocks Asin Bonds: Puede ining idonar bilang direktang regalo sa Watch Tower Society o puedeng gibohon an Watch Tower Society bilang benepisyaryo sa Transfer on Death.

Daga Asin Harong: An madaling ikapabakal na daga asin harong puedeng idonar magsalang paagi sa direktang pagregalo o, kun residensial na rogaring, paagi sa pagkaigwa nin kontrata na puedeng padagos na mag-istar dian an nagdonar sagkod na sia nabubuhay (life estate). Makikomunikar sa sangang opisina sa saindong nasyon bago ibalyo sa ngaran kan Watch Tower Society an ano man na daga asin harong.

Gift Annuity: Sarong areglo ini kun saen ibinabalyo nin saro an kuarta o securities sa designadong korporasyon na ginagamit kan Mga Saksi ni Jehova. Bilang karibay, maresibi an nagdonar, o saro na dinesignaran kan nagdonar, nin espesipikong annuity payment kada taon sagkod na sia nabubuhay. An buhis sa ginaganar kan nagdonar binabawasan para sa taon na naestablisar an gift annuity.

Testamento Asin Kabuhayan na Ipinagkatiwala: An propiedad o kuarta puedeng ipamana sa Watch Tower Society paagi sa sarong testamento na ginibo sa legal na paagi, o an Watch Tower Society puedeng gibohon na benepisyaryo nin sarong kontrata sa kabuhayan na ipinagkatiwala. An kabuhayan na ipinagkatiwala puedeng magtao nin nagkapirang bentaha sa pagbuhis kun sarong relihiosong organisasyon an nakikinabang dian.

Siring kan ipinaparisa kan terminong “plano para sa pag-abuloy,” an mga klaseng ini nin donasyon natural sanang nagkakaipo nin pagplano kan nagdonar. Tanganing tabangan an mga indibiduwal na gustong maghiras nin benepisyo sa pambilog na kinaban na gibohon kan Mga Saksi ni Jehova paagi sa sarong klase nin plano para sa pag-abuloy, sarong brosyur an inandam sa Ingles asin Kastila na may titulong Charitable Planning to Benefit Kingdom Service Worldwide. Isinurat an brosyur na ini tanganing magtao nin impormasyon dapit sa laen-laen na paagi nin pagtao nin regalo magsalang ngonyan o paagi sa pamana pagnagadan. Pagkatapos na mabasa an brosyur asin maghapot sa mga kinokonsulta ninda dapit sa ley o buhis, dakol an nakatabang sa pagsuportar sa satong relihioso asin humanitaryong mga aktibidad sa bilog na kinaban asin nagamit ninda sa pinakalubos na paagi an mga benepisyo ninda sa buhis mantang ginigibo iyan. Puedeng makakua kan brosyur na ini paagi sa direktang paghagad nin kopya sa Charitable Planning Office.

Para sa dugang pang impormasyon, puede kamong makikomunikar sa Charitable Planning Office, magsalang paagi sa pagsurat o pag-apod sa telepono, sa adres na nasa ibaba, o puede kamong makikomunikar sa sangang opisina kan Mga Saksi ni Jehova na nakakasakop sa saindong nasyon.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue

San Francisco del Monte

1105 Quezon City

Telepono: (02) 411-6090