Para sa mga Hoben

An Pagpainda ni Pedro ki Jesus

Mga Instruksion: Gibohon mo an proyektong ini sa pag-adal sa Biblia sa toninong na lugar. Mantang binabasa mo an mga teksto, imahinaron na kaiba ka sa pangyayaring iyan. Iladawan mo sa isip an eksena. Imahinaron na nadadangog mo an mga boses. Imahinaron na naeeksperyensiahan mo an mga emosyon kan pangenot na mga personahe.

ANALISARON AN EKSENA.—BASAHON AN MATEO 26:31-35, 69-75.

Pirang tawo an naiimahinar mo na yaon sa eksena?

․․․․․

Sa paghona mo daw an mga nakipag-olay ki Pedro makikatood? gustong makaaram? anggot? iba pa?

․․․․․

Ano daw sa paghona mo an namatean ni Pedro kan sia inaakusaran?

․․․․․

Taano ta pinaindahan ni Pedro si Jesus? Iyan daw kawaran nin pagkamoot o iba pang bagay?

․․․․․

MAGSIYASAT NIN OROG.—BASAHON AN LUCAS 22:31-34; MATEO 26:55-58; JUAN 21:9-17.

Paano puedeng nagkaigwa nin kabtang sa sala ni Pedro an sobrang kompiansa sa sadiri?

․․․․․

Paano nagpaheling si Jesus nin kompiansa ki Pedro, minsan ngani aram nia na si Pedro masasala sa kadikit na panahon?

․․․․․

Minsan ngani pinaindahan nia si Jesus, sa anong paagi na si Pedro nagpaheling nin mas dakula pa nganing kosog nin boot kisa sa ibang mga disipulo?

․․․․․

Paano ipinaheling ni Jesus na pinatawad nia si Pedro?

․․․․․

Sa paghona mo, taano ta tolong beses na hinapot ni Jesus si Pedro: “Namomoot ka sa sako?”

․․․․․

Ano daw sa paghona mo an namatean ni Pedro pagkatapos kan pakikipag-olay na ini ki Jesus, asin taano?

․․․․․

IAPLIKAR AN SAIMONG NANODAN. ISURAT AN SAIMONG NANODAN MANONGOD SA . . .

Pagkatakot sa tawo.

․․․․․

Pagmalasakit ni Jesus sa saiyang mga disipulo, dawa kun sinda napasala.

․․․․․

Anong bagay manongod sa pagkasaysay na ini an pinakamakahulogan para sa saimo, asin taano?

․․․․․

․․․․․