Espesyal na Pampublikong Pahayag

Siisay an Kualipikadong Mamahala sa Katawohan?

Siisay na namamahala an kayang

• solusyonan an mga problema sa ekonomiya, na ginagarantiyahan an pagkaigwa nin abundang kakanon asin marahayon na istaran para sa gabos na tawo?

• olangon an natural na mga kalamidad, tanganing an mga tawo dai maapektaran nin mga tsunami, bagyo, o linog?

• haleon an gabos na helang, na ibinabalik pa ngani sa mga gurang an kakosogan nin pagkahoben?

• taposon an gabos na guerra, tanganing an saiyang mga sakop mamuhay sa katoninongan asin katiwasayan?

• ibalik sa sangkap na pagkabalanse an palibot nin daga asin an gabos na nabubuhay dian, na ginigibo an daga na magin sarong paraiso?

Igwa nin saro sanang Namamahala na makakatao kan gabos na bendisyon na ini. Siisay an Namamahalang ini? An hapot na iyan sisimbagon sa pampublikong pahayag na “Siisay an Kualipikadong Mamamahala sa Katawohan?” An pahayag na ini na basado sa Biblia itatao sa bilog na kinaban sa labing 230 kadagaan. Sa kadaklan na lugar, iyan ipapahayag sa lokal na Kingdom Hall kan Mga Saksi ni Jehova sa Domingo, Abril 6, 2008. Maoogma an mga Saksi sa lugar nindo na itao sa saindo an oras asin adres. Maogma kamong iniimbitaran na umatender.