Espesyal na Pampublikong Diskurso

Tunay na Katoninongan Asin Katiwasayan—Noarin?

Sa laog nin rinibong taon, an mga tawo naghanap nin katoninongan asin katiwasayan. Alagad an tunay na katoninongan dai nakakamtan kan katawohan. Taano? An Biblia nagtatao nin duwang pundamental na rason kun taano an pagkamit nin katoninongan ta nagin depisilon. Igwa man iyan kan nakakaogmang garantiyang ini: An Dios nanunuga nin tunay saka nagdadanay na pambilog na kinaban na katoninongan asin katiwasayan para sa katawohan.

Paano asin noarin magkakatotoo an katoninongan asin katiwasayan na ini? Ano an kaipuhan nindong gibohon tanganing makamit an marahayon na mga kamugtakan na ini? An mga hapot na ini sisimbagon sa pampublikong diskurso na “Tunay na Katoninongan Asin Katiwasayan—Noarin?” An pahayag na ini na basado sa Biblia itatao sa bilog na kinaban sa labing 230 kadagaan. Sa kadaklan na lugar, iyan ipapahayag sa lokal na Kingdom Hall kan Mga Saksi ni Jehova sa Domingo, Abril 18, 2010. Maoogma an mga Saksi sa lugar nindo na itao sa saindo an oras asin adres. Maogma kamong iniimbitaran na umatender.