Para sa mga Hoben

Kun Paano Makakanompong nin Maimbod na mga Amigo

Mga instruksion: Gibohon ini sa toninong na lugar. Mantang binabasa mo an mga teksto, imahinaron na kaiba ka sa pangyayaring iyan. Iladawan sa isip an eksena. Imahinaron na nadadangog mo an mga boses. Imahinaron na naeeksperyensiahan mo an mga emosyon kan mga karakter. Gibohon na buhay an estorya.

Pangenot na mga karakter: Jonatan, David, asin Saul

Sumaryo: Pagkatapos gadanon ni David si Goliat, nagin pinakadayupot na amigo ni David si Jonatan.

1 ANALISARON AN EKSENA.—BASAHON AN 1 SAMUEL 17:57–18:11; 19:1; 20:1-17, 41, 42.

Iladawan an itsura ni Saul siring kan pagka-imahinar mo kaiyan. (Giya: Helingon an 1 Samuel 10:20-23.)

․․․․․

Kan makamidbid nia si Jonatan, posibleng marhay na tinedyer pa si David. Ano an naiimahinar mo na itsura nia? (Giya: Helingon an 1 Samuel 16:12, 13.)

․․․․․

Anong mga emosyon an naiimahinar mo sa mga boses ni David asin Jonatan kan sinda magsuwayan siring kan mababasa sa katapusan kan 1 Samuel kapitulo 20?

․․․․․

2 MAGSIYASAT NIN OROG.

An estorya nagsasabi na “an mismong kalag ni Jonatan nagin dayupot sa kalag ni David”—o siring kan pagkatradusir kan Contemporary English Version, “si David asin Jonatan nagin dayupot na mag-amigo.” (1 Samuel 18:1) Anong mga kualidad ni David an tibaad nagin dahelan na mapadayupot si Jonatan sa saiya? (Giya: Helingon an 1 Samuel 17:45, 46.)

․․․․․

Mga 30 taon an kamatuahan ni Jonatan ki David. Anong mga bagay an sa paghona mo nakatabang sa sainda na magin “dayupot na mag-amigo” sa ibong kan dakulang pagkakalaen kan saindang edad?

 ․․․․․

Ano an nagkapirang karakteristiko nin tunay na amigo, siring kan ipinapaheling sa nakakapahirong estoryang ini? (Giya: Helingon an Talinhaga 17:17; 18:24.)

․․․․․

Taano ta ipinaorog ni Jonatan an kaimbodan nia ki David kisa sa kaimbodan nia sa sadiri niang ama?

․․․․․

3 IAPLIKAR AN SAIMONG NANODAN. ISURAT AN NANODAN MO MANONGOD SA . . .

Pakikiamigo.

․․․․․

Kaimbodan.

․․․․․

Pakikiamigo sa mga mas may edad.

․․․․․

Paano mo mapapadayupot sa saimo an pinakamarahay na klase nin mga amigo?

․․․․․

4 ARIN NA PARTE KAN ESTORYANG INI AN PINAKANAGUGUSTOHAN MO, ASIN TAANO?

․․․․․

KUN MAYO KA NIN BIBLIA, MAGHAGAD SA MGA SAKSI NI JEHOVA, O BASAHON IYAN SA INTERNET SA www.watchtower.org