Espesyal na Pampublikong Diskurso

Saen Kita Makakakua nin Tabang Tanganing Maatubang an mga Problema Ngonyan?

Sa kinaban ngonyan, kadakol nin makukuang sadol. Popular nanggad sa mga tawo an mga libro asin programa sa TV dapit sa giya para sa personal na pag-oswag. Pero, nagpapadagos pa man giraray an pangenot na mga problema. Tibaad iniisip-isip mo, ‘Igwa daw nin gikanan nin paggiya na talagang mapagtitiwalaan ko?’ An simbag, igwa!

An Biblia, minsan ngani rinibong taon na, igwa nin nagdadanay na mga prinsipyong makakasimbag kan mga hapot na arog baga kaini:

▪ Paano ko mareresolberan an mga dai pagkakaintindihan asin paano ako magkakaigwa nin mas marahay na relasyon sa iba?

▪ Paano ako magigin maogma?

▪ Paano ko aatubangon an mga problema sa pagbuhay?

▪ Paano ko maiinaan an kahaditan?

Totokaron an simbag sa mga hapot na ini sa pampublikong diskurso na “Mga Prinsipyo sa Biblia—Makakatabang daw Iyan sa Sato na Maatubang an mga Problema Ngonyan?” An diskursong ini na basado sa Biblia ipapahayag sa bilog na kinaban sa labing 230 kadagaan. Sa kadaklan na lugar, iyan ipapahayag sa lokal na Kingdom Hall of Jehovah’s Witnesses sa Domingo, Mayo 1, 2011.

Maoogma an mga Saksi sa lugar nindo na itao sa saindo an oras asin adres. Maogma kamong iniimbitaran na umatender.