Para sa mga Hoben
Mag-ingat Laban sa Pag-ambisyon!
Instruksion: Gibohon ini sa toninong na lugar. Mantang binabasa mo an mga teksto, imahinaron na nahihiling mo an mga pangyayari. Iladawan sa isip an mga eksena. Imahinaron na nadadangog mo an mga boses. Mateon mo an mga emosyon kan mga karakter. Gibohon na buhay an estorya.
Pangenot na mga karakter: David, Absalom, Joab
Sumaryo: Prinobaran ni Absalom na agawon an trono kan saiyang ama.
ADALAN AN MGA EKSENA.—BASAHON AN 2 SAMUEL 14:25-33; 15:1-17; 18:9-17, 30-33.
Ano an naiisip mong itsura ni Absalom? (Basahon giraray an 2 Samuel 14:25, 26.)
Ano an naiimahinar mong atitud asin tono kan boses ni Absalom mantang pinoprobaran niang kuanon an boot kan mga minadolok sa hade para sa hustisya? (Basahon giraray an 2 Samuel 15:2-6.)
Ano an narisa mo dapit sa personalidad ni Absalom sa pangyayaring nakarekord sa 2 Samuel 14:28-30?
MAGSIYASAT NIN OROG PA.
Paano pinonan ni Absalom na gibohon an pag-agaw sa trono? (Giya: Basahon an 2 Samuel 13:28, 29. Si Ammon an pinakamatuang aking lalaki ni David kaya sia an magmamana kan trono.)
Sa ibong kan saiyang pag-ambisyon asin pagprobar na pamurawayon an sadiri, ano an ipinaparisa kan paagi nin paglubong ki Absalom kun dapit sa totoong paghiling sa saiya kan mga tawo? (Basahon giraray an 2 Samuel 18:17.)
Ano sa paghona mo an nagpangyari ki Absalom na magin ambisyoso? (Para sa pagkomparar, basahon an sinasabi manongod ki Diotrefes sa 3 Juan 9, 10.)
Paano naapektaran si David kan mga ginibo ni Absalom? (Giya: Basahon an Salmo 3, na isinurat ni David kan panahon na magrebelde si Absalom.)
GIBOHON AN NANODAN MO. ISURAT AN NANODAN MO MANONGOD SA . . .
Peligro nin pagigin ambisyoso.
Kulog na mamamatean kan iba, patin kan mga magurang nin saro, huli sa mga ginigibo nia.
DAGDAG PANG LEKSION.
Paano ka puedeng mahulog sa siod nin pag-ambisyon?
Paano mo malilikayan na magin sobra kaorgolyoso?
ARIN NA PARTE KAN ESTORYANG INI AN PINAKANAGUGUSTOHAN MO, ASIN TAANO?
Suhestion: Mag-isip nin laen na pagtatapos kan pagkasaysay na ini. Ano kuta an nangyari kun nagin hababa an boot ni Absalom imbes na nagin ambisyoso?—Talinhaga 18:12.
