An satong planeta tamang-tama para istaran nin gabos na may buhay. Bastante an tubig diyan, na kaipuhan na marhay tanganing mabuhay. An pagkatagilid, pag-itok, asin orbit kan daga tamang-tama sana para dai magyelo o magkalakaga an dagat. An daga pinoprotektaran man kan atmospera saka magnetic field kaiyan laban sa nakakagadan na radyasyon. An pagtinarabangan man kan mga tinanom asin hayop para mabuhay talagang kahanga-hanga. Kaya dakul an nagkokongklusyon na may katuyuhan talaga kun taano ta dinisenyo an satong planeta.​—Basahon an Isaias 45:18.

Pero tibaad maisip mo: Kaiba daw sa katuyuhan na iyan an pagsakit asin inhustisya?—Basahon an Deuteronomio 32:4, 5.

Dinisenyo an daga para magin maugmang istaran kan mga tawong may paggalang sa lambang saro asin may pagkamuot sa saindang Kaglalang. Kaya an buhay nin tawo igwa nin mas nangungurog na katuyuhan kisa sa tinanom asin hayop. May kakayahan kitang mamidbid an satong Kaglalang asin mapahalagahan saka maarog an saiyang pagkamuot asin hustisya.​—Basahon an Parahulit 12:13; Miqueas 6:8.

Mauutob kan Kaggibo sa sato an ano man na gusto niyang mangyari. Kaya makakasigurado kita na hahalion niya an pagsakit asin inhustisya saka gigibuhon niya an satong planeta na magin perpekto asin maugmang istaran para sa sato gabos.​—Basahon an Salmo 37:11, 29; Isaias 55:11.