TEMA SA COVER | HARANI NA DAW AN KATAPUSAN?
Harani Na Daw an Katapusan?
Tutugutan daw nin Diyos na padagos na dominaron kan mga tawo an lambang saro asin isapeligro an puturo kan katawuhan? Dai. Arog kan naaraman ta, mahiro siya asin tatapuson an ginatos nang taon na pagsakit asin pang-aapi. Gusto kan Kaglalang kan mga tawo asin kan daga na maaraman mo na madali na siyang maghiro. Paano niya ihinahayag an mahalagang kaaraman na iyan?
Pag-isipan an halimbawang ini: Kun mabiyahe ka asin ika an mamaneho, tibaad maghiling ka nguna sa Internet, mapa, o iba pang makukuanan nin direksiyon. Dangan, pag may nahihiling ka nang mga karatula asin mga tandaan na arog kan sinasabi sa direksiyon, aram mong harani ka na sa saimong destinasyon. Sa kaparehong paagi, itinao sa sato nin Diyos an saiyang Tataramon, na naghahayag kan risang-risang dalagan nin mga pangyayari sa bilog na kinaban. Pag nahihiling tang nangyayari na an mga senyales na iyan, nagigin kumbinsido kita na yaon na kita sa peryodo nin panahon na masagkod sa katapusan.
Ipinapaliwanag kan Bibliya na an kasaysayan kan kinaban maabot sa daing kaagid asin kritikal na peryodo nin panahon na masagkod sa katapusan. Sa peryodong iyan, sarabay na mahihiling sa bilog na kinaban an manlain-lain na pangyayari asin kamugtakan na ibang-iba sa ano man na nangyari sa kasaysayan nin tawo. Pag-isipan an nagkapira sa mga iyan na sinambit sa Tataramon nin Diyos.
1. KARIRIBUKAN SA BILOG NA KINABAN Sinasabi sa hula sa Mateo kapitulo 24 an mga pangyayari sa kinaban na magigin parte nin sarong tanda na may lain-lain na kabtang. An tanda na iyan iyo an magigin senyal kan pagtatapos kan sistema nin mga bagay sa kinaban na masagkod sa panahon kun nuarin ‘madatong an katapusan.’ (Bersikulo 3, 14) Kaiba sa tanda an darakulang giyera, kakulangan nin kakanon, linog sa manlain-lain na lugar, pag-urog nin karatan, kawaran nin pagkamuot, asin tusong mga pakana kan mga lider nin relihiyon tanganing ilagalag an mga tawo. (Bersikulo 6-
2. UGALI NIN MGA TAWO Sinasabi kan Bibliya na sa ‘huring mga aldaw’
3. PAGKARAOT KAN DAGA Sinasabi kan Bibliya na ‘lalaglagon nin Diyos an mga naglalaglag kan daga.’ (Kapahayagan 11:18) Sa anong mga paagi linalaglag o rinaraot kan mga tawo an daga? Kapareho iyan kan nangyari sa peryodo nin panahon na nabuhay si Noe: ‘Asin ta ruminumpot an daga sa atubangan nin Diyos, asin napano an daga nin kadahasan. Asin [minasdan] nin Diyos an daga, asin ta iyan marumpot na gayo.’ Kaya sinabi nin Diyos dapit sa maraot na sosyedad na idto: ‘Tutunawon ko sinda.’ (Genesis 6:11-
Haputon an sadiri, ‘Sa nakaagi pa sanang siglo, may kakayahan lamang daw an tawo na biyong laglagon an sadiri?’ Pero ginigibo na iyan ngunyan kan mga tawo paagi sa pagtipon nin mga modernong armas asin pagraot kan kapalibutan. Garo baga mas marikas pa an pag-uswag kan teknolohiya kisa sa kakayahan kan tawo na masabutan o makontrol an epekto kaiyan. Pero bakong tawo an madesisyon o makontrol sa kaaabtan kan kinaban. Bago mapuho an gabos na may buhay digdi sa daga, mahiro an Diyos tanganing laglagon an mga naglalaglag kan daga. Iyan an panuga niya!
4. PAGHUHULIT SA BILOG NA KINABAN An saro pang kabtang kan tanda kan katapusan naghuhula manungod sa daing kaagid na gibuhon: ‘Ining ebanghelyo kan Kahadian ihuhulit sa bilog na kinaban sa pagpapatotoo sa gabos na nasyon, dangan madatong an katapusan.’ (Mateo 24:14) Dakulaon an magigin pagkakaiba kan paghuhulit na ini sa ginigibong pangungumbertir kan kadaklan na relihiyon sa laog nin dakul nang siglo. Sa huring mga aldaw, itatampok an sarong espesipikong mensahe, an maugmang bareta o ‘ebanghelyo kan Kahadian.’ May aram ka daw na relihiyon na nagtatampok kan partikular na mensaheng iyan? Saka kun igwa man nin garo baga naghuhulit kan arog kaiyan na mensahe, sinda daw nasa saro sanang lugar, o naipalakop na ninda an maugmang baretang iyan ‘sa bilog na kinaban sa pagpapatotoo sa gabos na nasyon’?
Itinatampok kan Web site na www.pr418.com ‘an ebanghelyong ini kan Kahadian.’ Mahihiling sa Web site an mga publikasyon na nagpapaliwanag kan mensaheng iyan sa labing 700 na lengguwahe. Igwa ka daw nin aram na iba pang ginigibong paghihinguwa na ipalakop an maugmang bareta kan Kahadian nin arog kaiyan kahiwas sa bilog na kinaban? Bago pa magkaigwa nin Internet, haloy nang midbid an Mga Saksi ni Jehova sa saindang paghihinguwa na ipalakop an maugmang bareta dapit sa Kahadian nin Diyos. Magpuon kan 1939, mababasa na sa cover kan kada isyu kan magasin na An Torrengbantayan an mga tataramon na “Nagpapahayag kan Kahadian ni Jehova.” Sinabi kan sarong libro manungod sa relihiyon na an paghuhulit kan Mga Saksi ni Jehova “haros daing kapareho pag-abot sa kaigutan asin hiwas.” Idinuduon kan paghuhulit na ini an maugmang bareta na dai na nanggad mahahaloy “madatong an katapusan,” paagi sa paghiro kan Kahadian nin Diyos..
AN KRITIKAL NA PANAHON SA KASAYSAYAN
Narisa mo daw na nangyayari na sa panahon ta an sinasabi kan Bibliya dapit sa apat na nagpapatanid na senyales na sinambit sa artikulong ini? Sa laog nin labi nang sanggatos na taon, nagtatao an magasin na ini nin impormasyon sa mga parabasa kaini manungod sa mga pangyayari sa kinaban tanganing tabangan sinda na mapatunayan mismo ninda na harani na kita sa katapusan. Siyempre, dai nag-uuyon an mga mapagduda, na nangangatanusan na an mga impormasyon saka estadistika depende sa personal na opinyon asin puwedeng manipularon. Sinasabi man ninda na mantang padagos na nag-uuswag an komunikasyon, sa paghiling ninda an sitwasyon sa kinaban garo lang nagraraot. Minsan siring, nagdadakul an ebidensiya na yaon na kita sa pagtatapos kan daing kaagid na peryodo sa kasaysayan nin tawo.
May mga eksperto na nagsasabing nagdadangadang na kita sa dakulaon na mga pagbabago sa kinaban. Halimbawa, kan 2014, an Science and Security Board kan Bulletin of the Atomic Scientists nagpatanid sa United Nations Security Council manungod sa dakulaon na peligro sa katawuhan. Sinabi kan mga siyentistang idto: “Sa maingat na pag-analisar kan mga peligrong ini, nakapagkongklusyon kami na dakulaon an peligro na mapara an sibilisasyon nin tawo huli sa teknolohiya.” Dakul na an lalong nagigin kumbinsido na yaon na kita sa kritikal na peryodo sa kasaysayan kan kinaban. Sigurado an kagpublikar saka an dakul na parabasa kan magasin na ini na an daing kaagid na peryodong iyan iyo talaga an huring mga aldaw asin na an katapusan harani na. Pero imbes na matakot nin grabe sa mangyayari sa maabot, puwede kang magin maugma sa magigin resulta. Taano? Huli ta puwede kang makaligtas pag-abot kan katapusan!