An mga tawo nadidismaya pag an mga tawong dapat kuta mapagtitiwalaan dai nagpapahiling kaiyan. Dakul an nawaran nin tiwala sa . . .

•   mga lider nin pulitika na iniinot an sadiri ninda imbes na an mga pangangaipo kan mga tawo.

•   mga parabareta na nagtatao nin mga impormasyon na may kinakampihan asin bakong tama.

•   mga siyentista na an mga ginigibo bakong para sa ikakarahay kan mga tawo.

•   mga lider nin relihiyon na nakapokus na marhay sa pagsuporta sa pulitika imbes na sa pagrepresentar sa Diyos.

 Tama sana na magin maingat an mga tawo sa kun kiisay sinda nagtitiwala. Nagpapatanid an Bibliya:

•   “Dai kamo magtiwala sa mga tawong nanginginot; mayo nin tawo na makakapagligtas sa saindo.”—Salmo 146:3, Good News Translation.

  An Bibliya may ipinapamidbid na saro na mapagtitiwalaan mo: si Jesu-Cristo. Bako lang siya basta sarong marahay na tawo na nabuhay dakul na siglo na an nakaagi. Ninombrahan nin Diyos si Jesus na mamahala “bilang Hadi . . . , asin dai magkakaigwa nin katapusan an saiyang Kahadian.” (Lucas 1:32, 33) Si Jesus an Hadi kan Kahadian nin Diyos, sarong gobyerno na namamahala na ngunyan sa langit.—Mateo 6:10.

•   Para maaraman kun taano ta makakapagtiwala ka ki Jesus, basahon an mga artikulong “Siisay an Hadi sa Kahadian nin Diyos?” asin “Ano an Gigibuhon kan Kahadian nin Diyos?”