An gusto kan mga tawo mapagtitiwalaan na mga namumuon sa gobyerno; habo na ninda nin koraptong mga pulitiko. Sa resulta kan sarong survey sa bilog na kinaban kaining 2023, mahihiling na an mga namumuon sa gobyerno iyo an pinaka-dai-pinagtitiwalaan kan mga tawo. a

 May sinasabi an Bibliya na sarong gobyerno na an Namumuon o Lider talagang mapagtitiwalaan asin onesto, nungkang magigin korapto. An gobyernong iyan iyo an Kahadian nin Diyos, na an Lider iyo si Jesu-Cristo.—Isaias 9:7.

 Napatunayan na ni Jesus sa saiyang mga gibo an sinserong pagmalasakit niya sa mga tawo. (Mateo 9:35, 36) Bilang Hadi kan Kahadian nin Diyos, gigibuhon niyang maitao an hustisya asin katuninungan sa gabos na nagsusuportar kan saiyang pamamahala.—Salmo 72:12-14.