“Nakakaalarma an inaagihan na problema sa mental na salud kan mga hoben—asin saro sa pinakadahilan kaiyan iyo an social media.”—Dr. Vivek Murthy, U.S. surgeon general, New York Times, Hunyo 17, 2024.

 Paano mapoprotektaran kan mga magurang an saindang mga aki sa maraot na mga epekto kan social media? May itinataong praktikal na giya an Bibliya.

 Pag-isipan an mga prinsipyong ini sa Bibliya.

 “An saro na alisto an isip pinag-iisipan an lambang lakad.”—Talinhaga 14:15.

 Huli sa mga peligrong dara kan paggamit kan social media, dai pag-isipon na dapat mo nang tugutan na maggamit kaiyan an aki mo. Bago mo siya tugutan, siguraduhon na kaya na niyang sunudon an oras na itinao mo sa paggamit nin social media, na padagos siyang magkaigwa nin marahay na mga amigo, saka iwasan an mga content na bakong marahay.

•   Para sa dagdag na detalye, basahon an mga artikulong “Dapat Bang Gumamit ang Anak Ko ng Social Media?” asin “Ituro ang Tamang Paggamit ng Social Media sa Anak Mong Teenager.”

 “[Gamiton] sa pinakamarahay an saindong panahon.”—Efeso 5:16.

 Kun tutugutan mo na maggamit nin social media an aki mo, magtao nin mga susundon sa paggamit kaiyan, asin ipaliwanag kun paano an mga iyan makakatabang sa saiya na mailikay siya sa maraot na epekto kan social media. Kun marisa mo na may mga pagbabago sa ugali kan aki mo, magdesisyon tulos kun baga lilimitaran mo siya sa paggamit nin social media.

•   Gamiton an whiteboard animation na Magin Madunong sa Paggamit nin Social Network para tabangan an saimong aki na maintindihan kun taano ta kaipuhan na limitaran an paggamit nin social media.

 Sinasabi kan Bibliya na nabubuhay na kita sa “delikado asin masakit na mga panahon.” (2 Timoteo 3:1-5) Pero, nagtatao man iyan nin praktikal na mga giya na makakatabang sa sato na atubangon iyan. Sa artikulong ini manungod sa mental na salud kan mga tin-edyer, mahihiling an labing 20 iba pang artikulo na basado sa Bibliya na makakatabang sa mga magurang saka sa saindang mga aki.