Nasasabutan ni Jesus kun gurano kasakit an magin biktima nin krimen asin inhustisya. Naeksperyensiyahan niyang akusaran nin bako man totoo, daing hirak na kinulgan, binista sa bakong tamang proseso, sinentensiyahan nin bakong makatanusan, asin pinasakitan sagkod na magadan. Dawa ngani inosente siya, handa nanggad niyang isakripisyo “an saiyang buhay bilang pantubos na karibay nin dakul.” (Mateo 20:28; Juan 15:13) Ngunyan, bilang Hadi kan Kahadian nin Diyos, madali na niyang ipautob an hustisya sa enterong daga, na diyan permanente niyang tatapuson an gabos na nangyayaring krimen.—Isaias 42:3.

 Ilinadawan kan Bibliya kun ano an magigin kamugtakan kan kinaban pag huminiro na si Jesus:

•   “An mga maraot mawawara na; hihilingon mo an dati nindang kinamumugtakan, asin mayo na sinda diyan. Alagad magigin pagsadiri kan mga mahuyo an daga, asin makakanumpong sinda nin labi-labing kaugmahan huli sa abundang katuninungan.”—Salmo 37:10, 11.

 Paano niyato maipapahiling an satong pasasalamat sa gabos na ginibo asin gigibuhon pa ni Jesus para sa sato? Arog kan mababasa sa Lucas 22:19, sinabi ni Jesus sa saiyang mga parasunod na girumdumon an kagadanan niya. Iyan an dahilan kaya kada taon nagtitiripon an mga Saksi ni Jehova sa anibersaryo kan saiyang kagadanan. Iniimbitaran mi ika na umiba sa samo sa pagselebrar kan Memoryal kan kagadanan ni Jesus sa aldaw nin Domingo, Marso 24, 2024.

Humanap nin Memoryal