Kanta 88
An mga Aki Kargo Gikan sa Dios
1. Kun babae magkaaki
Asin an lalaki magin ama,
Girumdomon nindang ’yan kargo;
An aking ’yan bako ninda.
Regalo ’yan nin Dios sainda;
Si Jehova Burabod nin buhay.
Paggiya nin Dios sa magurang
Dapat kuyogon nindang danay.
(KORO)
Kargong banal tao saindo;
Mahal na buhay an kapot.
An pagtokdo kan togon nin Dios
Pamanang mayong maorog.
2. An gabos na togon nin Dios
Dapat pirmeng yaon sa puso mo.
Sa aki mo dapat itokdo;
Kabtang mo ’yan patin kargo.
Itataram mo ’yan sa dalan,
Sa pagbangon asin sa paghigda.
Logod girumdomon man ninda;
Magin maimbod logod sinda.
(KORO)
Kargong banal tao saindo;
Mahal na buhay an kapot.
An pagtokdo kan togon nin Dios
Pamanang mayong maorog.
(Helingon man an Deut. 6:6, 7; Efe. 6:4; 1 Tim. 4:16.)
