1. An bilog na katotoohan aram na

Dapit sa Banhi na magigin Hade ta.

An Dios naherak sa satong kamugtakan

Na nagdudusa sa minanang kasalan.

Boot nin Dios na Aki nia mamahala

Sa Kahadean na magsasakop sa daga.

’Nganing an Aki nia matawan nin nobya,

Pinamuraway an mga pinili nia.

2. Bareta na dara boot ni Jehova

Na mahayag ngonyan sa bilog na daga.

Pati mga anghel nin Dios naoogma,

Tumabang sa satuya sa paghulit ta.

Katongdan ta asin onrang omawon sia;

Banal na ngaran nia dapat ipamidbid ta.

Bilang Saksing nagdadara kan ngaran nia,

Satuyang ibareta Kahadean nia.