1. ’Nganing mapatawad,

Mga kasalan niato,

Si Jehova mamomoton,

Aki nia itinao.

Kapatawadan kakamtan

Kun kita magsosolsol.

Pantubos ni Jesu-Cristo,

Basehan sa pagbasol.

2. Kun nagpapatawad

Arog ni Jehova Dios,

Pagkaherak aakoon;

Kapatawadan lubos.

Kita magpinasensiahan

Asin magginalangan;

An pagkamoot sa tugang

Danay tang gibohon man.

3. An gabos satuya

Magin maheherakon.

An pagsentir ta sa tugang

Dapat niatong haleon.

Kun an Dios inaarog ta,

Na mamomoton nanggad,

Madali na sa satuya,

Tunay na magpatawad.