1. Maogma maheherakon!

Sa Dios sinda aba’ng gayon.

Sabi ninda si Jehova,

Sa pagkaherak maogma.

An Dios, paagi ki Jesus,

Itinao an pantubos.

Kinaherakan nia kita

Ta aram kaluyahan ta.

2. Kasalan nin maherakon

Lubos na papatawadon.

Kan sumakat na si Jesus,

Nakamtan an herak nin Dios.

Mawot nindang ipaabot

An pagkaherak sa boot,

Sa pagsabing, “Mag-ogma na

Ta Kahadean uya na.”

 3. Pagkamoot nin Dios risa,

Pati an pagkaherak nia,

Kun an mahoyo hokoman,

Mantang sinda may herak man.

Pagmaigotan ta nanggad

Ining diosnon na kualidad.

An Dios satuyang arogon;

Magin kitang maherakon.