Kanta 127
Sarong Lugar na Yaon an Saimong Ngaran
1. Dakulang onra, O Jehova,
Na magtogdok para s’imo!
Maogma niamong ’dinodolot,
Dagdag sa kabantogan mo.
Ano man an itao niamo,
Saimo man ’yan talaga.
Kosog asin kakayahan mi,
Tao mi s’imong maogma.
(KORO)
Idinudusay mi s’imo,
Lugar na ’tinogdok mi.
Logod maomaw ngaran mo.
Sa saimo po ini.
2. Digdi oomawon ka niamo
’Nganing onra ikatao.
Logod dumakol nag-aadal
Na magin mga lingkod mo.
Sa pagdusay ka’ni saimo,
Mawot ming magdanay iyan
Na patotoo sa saimo;
Aasikasohon mi ’yan.
(KORO)
Idinudusay mi s’imo,
Lugar na ’tinogdok mi.
Logod maomaw ngaran mo.
Sa saimo po ini.
(Helingon man an 1 Ha. 8:18, 27; 1 Cron. 29:11-14; Gibo 20:24.)
