Sa huring semana kan Hulyo 2024, nabilog an Bagyong Carina a sa sulnupan na parte kan Kadagatan Pasipiko. Dawa dai nag-landfall an makusugon na bagyong iyan sa Pilipinas, pinagrabe kaiyan an mga pag-uran na dara kan habagat, na nagkawsa nin grabeng danyos, pagbaha, saka mga landslide sa kabiserang siyudad nin Manila asin sa kataraid na mga rehiyon. Kinakarkulo na 4.8 milyon katawo an naapektaran. Labing 600,000 na mga indibidwal an napiritan na maghali sa saindang mga harong, asin dai mababa sa 39 an nagadan.

• Mayo sa satong mga tugang an nagadan o nairido

• 155 mga parahayag an nag-ebakwar, pero an kadaklan sainda nakabalik na saindang mga harong

• 2 harong an nagaba

• 11 harong an nagkaigwa nin grabeng danyos

• 42 an nagkaigwa nin parsiyal na danyos

• 11 Kingdom Hall an nagkaigwa nin parsiyal na danyos

• 6 na Disaster Relief Committee an inasignaran na mag-asikaso sa ginigibong pag-ayuda

• An mga paraataman nin sirkito saka mga lokal na elder nagtatao nin espirituwal asin praktikal na tabang sa mga naapektaran kan pagbaha

Padagos niyatong ipinapamibi an mga naapektaran kan bagyong ini, na nagpapasalamat ki Jehova huli sa ‘pagtao niya nin seguridad’ sa panahon na ini mantang sinusuportaran asin inaataman niya an satong mga tugang.—Isaias 33:6.