Kan Setyembre 25, 2022, nag-land fall an Super Typhoon Karding, na may internasyonal na pangaran na Noru, sa Polillo Islands sa Probinsiya nin Quezon sa Pilipinas. Nag-land fall man an bagyo sa Probinsiya nin Aurora. An duros kaiyan igwa nin average na kusog na 195 kilometros por ora, asin na may pagbugso na minaabot nin 240 kilometros por ora. Nagwalat an Bagyong Karding nin grabeng danyos sa mga harong saka imprastraktura asin nagkawsa man iyan nin grabeng pagbaha.

• Mayo sa mga tugang niyato an nagadan

• 180 pamilya an nag-ebakwar

• 209 harong an dikit sana an destroso

• 20 harong an grabe an destroso

• 22 na harong an nadestroso

• 7 Kingdom Hall an dikit sana an destroso

• 1 Kingdom Hall an grabe an destroso

• 2 Disaster Relief Committee an inasignaran

• An lokal na mga elder nagtatao nin pampakusog asin nin praktikal na tabang sa mga naapektaran

• An gabos na ginigibo sa pag-ayuda kauyon sa itinaong mga susundon sa pag-iingat sa COVID-19

Padagos tang ipinapamibi an satong mga tugang na naapektaran kan bagyo mantang nagpapaili sinda ki Jehova.—Salmo 57:1.