Kan Oktubre 21, 2024, grabeng destroso an winalat kan Bagyong Kristine a sa Pilipinas. Mantang nag-aagi sa norteng parte kan nasyon, kuminusog an duros kaiyan na nag-abot sa 160 kilometro por ora. An makusugon na uran saka duros na dara kan bagyo nagkawsa man nin grabeng pagbaha saka mga landslide, na ruminaot sa mga harong, tinampo, saka sa mga linya nin tubig asin kuryente. Sa labing anom na milyon na tawo na nakaistar sa mga apektadong lugar, mga sarong milyon an kinaipuhan na mag-ebakwar. Dai mababa sa 126 na tawo an nagadan.

• Nakakamundo, sarong sister an nagadan

• 747 parahayag an nag-ebakwar

• 7 harong an nagaba

• 24 harong an nagkaigwa nin grabeng danyos

• 128 harong an nagkaigwa nin parsiyal na danyos

• 8 Kingdom Hall an nagkaigwa nin parsiyal na danyos

• Apuwera sa pagtao nin espirituwal na pagranga saka pagpakusog, nagtatao man nin praktikal na tabang an mga paraataman nin sirkito asin mga elder sa mga naapektaran kan bagyo

• 5 Disaster Relief Committee an inasignaran na mag-asikaso sa ginigibong pag-ayuda

Namumundo kita na may mga nagadan saka nadestroso dahil sa makusog na bagyong ini. Pero, nararanga kita asin naglalaom sa panuga kan Bibliya na an arog kaiyan na mga bagay mawawara na.—Isaias 25:8.