Nag-land fall an bagyong Odette (na igwa nin internasyonal na pangaran na Rai) sa dakul na lugar sa Pilipinas puon kan Disyembre 16 sagkod 18, 2021. Igwa iyan nin sustenidong kusog na minaabot nin 195 kilometros por ora kan inot iyan na mag-land fall sa Isla nin Siargao. Nagsapar nin grabeng danyos an mga probinsiya sa norteng parte kan Mindanao, timog na parte kan Luzon, saka Visayas.

• Makamumundo, 4 na parahayag an nagadan

• 1 parahayag an nawawara pa

• 12 tugang an nairido

• Labing 2,000 na parahayag an nag-ebakwar

• 246 na harong an nagaba

• 327 harong an nagkaigwa nin grabeng danyos

• 1,174 harong an nagkaigwa nin parsiyal na danyos

• 43 na Kingdom Hall an nagkaigwa nin parsiyal na danyos

• 6 na Disaster Relief Committee an inasignaran na mag-asikaso sa ginigibong pag-ayuda

• An lokal na mga elder nagtatao nin pampakusog sa mga naapektaran, kaiba na an mga nagadanan nin mahal sa buhay

• An gabos na ginigibo sa pag-ayuda kauyon sa itinaong mga susundon sa pag-iingat sa COVID-19

Sa paggiya kan mga elder, an mga tugang sa dai naapektaran na mga lugar nagdonar nin mga kakanon saka mga bado sa mga tugang sa lugar na inagihan kan bagyo. An mga nakapatos na kakanon hali sa Davao City tulos-tulos na idinistribwir sa mga pamilyang nangangaipo sa Surigao City.

Namumundo kitang maaraman na igwa kitang namumutan na mga tugang na nagadan sa kalamidad na ini. Mantang padagos tang tinatagalan an “delikado asin masakit na mga panahon” na ini, padagos man kitang nagtitiwala na aalalayan kita ni Jehova saka papakusugon.—2 Timoteo 3:1.