Ipinaisi kan Namamahalang Grupo kan Mga Saksi ni Jehova na inimbitaran ninda an nagkapirang piniling sangay na magpartisipar sa pilot program na ibalik sa Kingdom Hall an nagkapirang pagtiripon kan kongregasyon. An mga sangay na mapartisipar mapili nin mga Kingdom Hall sa mga lugar kun sain dakulang porsiyento na kan populasyon an nabakunahan asin dikit sanang porsiyento an nauulakitan kan COVID-19. Siyempre, an gabos na areglo para sa proyektong ini gigibuhon kauyon kan mga regulasyon kan lokal na gobyerno para sa mga pagtiripon sa laog nin sarong edipisyo. Binasa an paisi sa pamilyang Bethel sa bilog na kinaban kan Biyernes, Oktubre 15, 2021.

Base sa mga resulta kan pilot program na ini, hihilingon kun aaprubaran an iba pang mga kongregasyon na magtiripon giraray sa mga Kingdom Hall. Sinabi man sa paisi na sa pangkagabsan, an mga areglo ngunyan sa mga aktibidad kan kongregasyon magpapadagos sagkod kisiyera Enero 1, 2022.

Pinapahalagahan tang marhay an pangangataman kan Namamahalang Grupo sa gabos na tugang sa bilog na kinaban asin an saindang madunong na mga desisyon manungod sa pagbalik sa dati kan mga aktibidad kan organisasyon. Ipamibi tabi nindo an padagos na paggiya asin bendisyon ni Jehova sa mga areglong ini.—Talinhaga 14:16.