Kan Mayo 23, 2019, ibinasura kan sarong panel nin tulong huwes kan Oryol Regional Court an apelasyon ni Dennis Christensen apabor sa sentensiya na anom na taon na pagkabilanggo na nainot nang ipinataw sa saiya. Mga 80 tugang niyato an nag-atender sa mga pagbista. Presente man diyan an mga opisyal na hali sa Australia asin Denmark. An mga resulta kan kasong ini ibinabareta na ngunyan kan media sa manlain-lain na nasyon.

Sa nakalihis na tulong bulan puon kan orihinal na pagsentensiya ki Brother Christensen kan Pebrero, nagkaigwa nin 115 pag-raid sa mga harong asin tulong beses na mas dakul na kasong kriminal an isinangat laban sa mga Saksi ni Jehova kumpara sa tulong bulan bago kaiyan.

Ipinapamibi nanggad niyato si Brother Christensen asin an gabos na kapagtubod niyato sa Russia. Nagtitiwala kita na si Jehova “harani . . . sa gabos na [nag-aarang] sa saiya,” asin na padagos niyang tatabangan an satong mga tugang na magdanay na marigon sa atubang nin persekusyon.—Salmo 145:18.