Kan Huwebes, Nobyembre 1, 2018, sa botong 9-4, nagdesisyon an Korte Suprema kan South Korea na an pagsayuma na magserbi sa militar huli sa konsiyensiya dai maibibilang na krimen. Ibinibilang na ngunyan na “rasonableng dahilan“ na dai magserbi sa militar kun dai iyan itinutugot kan konsiyensiya nin saro huli sa saiyang relihiyosong mga paniniwala. An mahalagang marhay na desisyon na ini kan pinakahalangkaw na korte kan South Korea nagtao nin basehan na matawan nin desisyon na mayong sala an labing 900 na brother na may mga kasong nakapendiyente sa gabos na lebel kan sistema nin husgado sa Korea.

Sa mas nainot na pangyayari kan taon, nagdesisyon an Konstitusyonal na Korte kan Korea na dapat igwa nin probisyon para sa mga nagsasayumang magserbi sa militar huli sa konsiyensiya na magkaigwa nin alternatibong mga opsiyon sa paglilingkod pag-abot nin Disyembre 2019.

Nauugma kita asin inuumaw niyato si Jehova sa makasaysayan na desisyon na ini.