Kristiyano Daw an Mga Saksi ni Jehova?
Iyo. Mga Kristiyano kami huli sa minasunod na dahilan:
Pigmamaigutan mi na sunudon na marhay an mga itinukdo asin paggawi ni Jesus.—1 Pedro 2:21.
Naniniwala kaming si Jesus an liyabe sa kaligtasan, na ‘dai nin ibang ngaran sa sirong nin langit na itinao sa mga tawo na paagi kaiyan kita maliligtas.’—Gibo 4:12.
Pag an saro nagin Saksi ni Jehova, siya nabawtismuhan na sa pangaran ni Jesus.—Mateo 28:18, 19.
Namimibi kami sa pangaran ni Jesus.—Juan 15:16.
Naniniwala kami na si Jesus an Payo, o an saro na tinawan nin awtoridad sa gabos na tawo.—1 Corinto 11:3.
Pero, dakul kaming pagkakaiba sa ibang relihiyon na inaapod man na Kristiyano. Halimbawa, naniniwala kami na itinutukdo kan Bibliya na si Jesus Aki nin Diyos, bako kabtang nin Trinidad. (Marcos 12:29) Dai kami naniniwala na imortal an kalag, na daing katapusan na pinapasakitan nin Diyos an mga tawo sa impiyerno huling dai man ini itinutukdo kan Bibliya. Dai man kami naniniwala na dapat tawan nin mga titulong nakakalabi sa iba an mga nanginginot sa mga relihiyosong aktibidad.—Parahulit 9:5; Ezequiel 18:4; Mateo 23:8-10.
Puwede Mo Man Magustuhan
PARATING MGA IHINAHAPOT
Naniniwala Daw an Mga Saksi ni Jehova ki Jesus?
Aramon kun taano ta an pagtubod ki Jesus mahalagang marhay sa tunay na mga Kristiyano.
PARATING MGA IHINAHAPOT
Taano ta an mga Saksi ni Jehova Dai Naggagamit nin Krus sa Pagsamba?
Dawa mga Kristiyano kami, dai kami naggagamit nin krus sa samong pagsamba? Taano?
MANUNGOD SAMO
Ta’no ta Kaipuhan Mag-adal nin Bibliya?
Sinisimbag kan Bibliya an importanteng mga hapot sa buhay kan minilyon na tawo sa bilog na kinaban. Gusto mo daw magin saro sa sainda?
MANUNGOD SAMO
Mag-request na May Magdalaw Saimo
Pag-ulayan an sarong hapot sa Bibliya, o aramon pa an manungod sa mga Saksi ni Jehova.