Nahiling mi na dakul an nauugmang makipag-ulay manungod sa Bibliya dawa may sadiri na sindang relihiyon. Siyempre, iginagalang mi an paniniwala nin iba, asin dai mi ipinipirit sa iba an samong mensahe.

 Pag ipinapakipag-ulay mi an manungod sa relihiyon, ginigibo mi an samong makakaya na sunudon an sadol kan Bibliya na magin mabuot asin magkaigwa nin hararom na paggalang sa samong kaulay. (1 Pedro 3:15) Aram mi na may mga tawong dai madangog sa dara ming mensahe. (Mateo 10:14) Pero dai mi maaaraman kun ano an magigin reaksiyon nin mga tawo kun dai kami makikipag-ulay sainda. Aram mi man na nagbabago an kamugtakan nin mga tawo.

 Halimbawa, tibaad ngunyan sibot na marhay an sarong tawo pero sa sunod tibaad gusto na niyang makipag-ulay samo. Asin tibaad mapaatubang an mga tawo sa bagong mga problema o sitwasyon na nagigin dahilan para magkainteres sinda sa mensahe kan Bibliya. Kaya hinihinguwa mi na pauru-utrong madalaw asin makaulay an mga tawo.