Memoryal kan Kagadanan ni Jesus
Sabado, Abril 12, 2025
Sarong beses kada taon, ginigirumdom kan Mga Saksi ni Jehova an kagadanan ni Jesus arog kan ipinagbuot niya kan sabihon niya: “Padagos nindong gibuhon ini sa paggirumdom sa sako.”—Lucas 22:19.
Iniimbitaran mi ika na mag-atender sa okasyon na ini.
Parating mga Ihinahapot
Gurano kalawig an programa?
Mga sarong oras iyan.
Sain iyan gigibuhon?
Kontakon an mga Saksi ni Jehova sa lugar nindo para sa mga detalye.
May bayad daw an pag-atender?
Daing bayad.
Igwa daw nin pangungulekta?
Dai nin pangungulekta.
Ano an kaipuhan na isulot?
Mayo man nin espesipikong kahagadan kun manungod sa pagbado sa okasyon na ini, pero hinihinguwang sunudon kan mga Saksi ni Jehova an sadol kan Bibliya na magbado nin may kabinian asin paggalang. (1 Timoteo 2:9) Dai man kaipuhan na magsulot ka nin mamahalon o pormal na bado.
Ano an mga ginigibo sa Memoryal?
An pagtiripon binubuksan asin tinatapos paagi sa pagkanta kan gabos, asin nin pagpamibi nin sarong ministro kan Mga Saksi ni Jehova. Sarong pahayag na basado sa Bibliya an mapaliwanag kan kahalagahan kan kagadanan ni Jesus asin kun paano kita makikinabang sa ginibo nin Diyos asin ni Cristo para sa sato.
Para sa dagdag na mga detalye, hilingon an artikulo na “Taano ta Bakong Arog sa Ibang Relihiyon an Paagi nin Paggirumdom kan Mga Saksi ni Jehova sa Pamanggihan kan Kagurangnan?”
Nuarin gigibuhon an masurunod na Memoryal?
2025: Sabado, Abril 12
2026: Huwebes, Abril 2
Puwede Mo Man Magustuhan
MEMORYAL
Girumdumon an Kagadanan ni Jesus
Maugma mi kamong iniimbitaran na umatender kaiba mi sa mahalagang okasyon na ini. Maaaraman mo kun ano an maitatabang sa saimo kan nagin buhay asin kagadanan ni Jesus.
MAHALAGANG MGA TUKDO KAN BIBLIYA
Taano ta Nagadan si Jesus?
Dakulang marhay an itinataong pagpapahalaga kan Bibliya sa kagadanan ni Jesus. May katuyuhan daw an saiyang kagadanan?